Matiu 5:11 - A Turoxoian Fa'ui Sina Piran

¹¹ “A naian simi a roxo paaliu layaan a rabuna ri ferawai fasaat semi e ri vil pengan nami e ri bit tifi nami pana maana bitan saat senaso mi namkai sega.

Kara

¹¹ “A naian simi a roxo paaliu layaan a rabuna ri ferawai fasaat semi e ri vil pengan nami e ri bit tifi nami pana maana bitan saat senaso mi namkai sega.

Matiu 5:11 Iomraidhean Croise

Matiu 10:18

Ri taa fatiginei nami la matana mu paamua ti Rom e mu paamua ti la mu bina lava senaso mi namkai sega e mi taa kuus xakaavang sega xe sina mu paamua aave e mu rabuna aava ri pife Juda.

Matiu 10:22

A mu rabuna xapiak ri taa baian nami senaso mi namkai sega. Taasaxa nase' ta mataa i taa lo tigina fatateak lana namkaian sina fefexaxaas a yaan fataxapiak, i taa kaaxup.

Matiu 10:25

E voxo a mataa u'usi i taa faamamaas layaan i taa malaan sena mataa ina fepitaa sina e a yaasok layaan i taa malaan sena mataa tafuna. Tamo ri fo xali a paamua ina matafetama pana Bilsibul, naak ri taa xali a mu rabuna la matafetama sina pana vaxa.

Matiu 10:39

Nane aava lalamon vulai xena tao fatateak a toyan sina, i taa pife waan lana toyan tuuna. Taasaxa nane aava lamon fepalauan a toyan sina senaso i taxa namkai sega, i taa siak a toyan tuuna xe vulai.

Matiu 19:29

E nase' ta mataa aava ta'ulan a mu tina o vasaana, tamana, ninana o rafulak, lifu o xavala xena usiau, i taa siak a maana mo xaves paaliu sena maana mo aave e vaxa a Piran i taa tavaie pana toyan vulai.

Matiu 24:9

“Lamina yaan a maana mo aanabe' fo savat, a mu rabuna pana tateaxan ri taa pis nami e a mu xaiyaas simi ri taa vil pengan nami e punuk nami. A mu rabuna xapiak ri taa baian nami senaso mi waan xuvul paga.

Matiu 27:39

Nari aava ri liu ete, ri liitan a puturi e ri ferawai fasaat xe si Yesus

Maak 13:13

E nami, a maana rabuna taa baian nami senaso mi paa xolai pana isaak. Taasaxa tamo ta mataa siak i taa tigina fatateak fefexaxaas la yaan fataxapiak, ne taa fakaxupe.”

Maak 13:9

“E nami, mi taa faxatang, senaso xasanu tuvaat ri taa yot lisan nami xe sina rabuna ina tiisan e ri taa sip nami lana lifu ina faxuvulan. E mi taa tigina la nona mu matalava e mu piran sina rabuna sena isaak. E mi taa xuus fatexaas nari paga.

Maak 4:17

Taasaxa ri piau ta xarei ina lamon faagut, ri taxa waan famodak mon! Lumui xasano mataa rao ri tafang a gutan siri e ri taa fakasal nari, a lalamonan roxo siri i taa pife tateak fulaa, i taa malit.

Maak 8:35

Senaso nase' ta mataa rao i tao fatateak a toyan sina, a toyan sina i taa malit. E nase' ta mataa aava i taa punuxan sega o sena Lagasai Roxo sina Piran, a toyan sina i taa waan vulai.

Luuk 21:12

“Paamuina yaan aave ri taa yot nami e ri taa vil pengan nami. Ri taa lisan nami xe lana mu lifu ina faxuvulan e lana bina ina vipisan. Ri taa fatiginei nami la nona mu king e mu paamua ina gavamen sena isaak mon.

Luuk 21:17

A mu rabuna xapiak ri taa baian nami senaso mi namkai sega.

Luuk 6:22

Faamamaas nami aava rabuna ri baian nami e ri feng tapin nami e ri ferawai fakasal nami e ri gilis a isimi malaan sena isin saat senaso mi usi fatak a Natuna Mataa. Aisaia 51:7.

Luuk 9:24

Nase' ta mataa a vubuk tao fatateak a toyan sina, a toyan aave i taa malit taasaxa nase' ta mataa i taa ta'ulan a toyan sina xena usiau, i taa fakaxupan.

A Lagasai Roxo Na Jon A Xaleie 15:21

Taasaxa ri taa vil a maana mo aanabe' xe simi sena isaak. Senaso ri pife texaas sena Saxa aava fengau.

A Lagasai Roxo Na Jon A Xaleie 9:28

E ri sei pengane, “Nano, no fefeng sina, taasaxa nemaam, maam mu fefeng si Moses.

Faisok 9:16

Ne taa faxalite pana maasaxan molava aava i taa savat sina sena faisok lapaana isaak.”

A Si Pol Lagasai Xe Sina Mu Rom 8:36

Lana Xakalayan Taap na Devit aava ʻkingʼ lava, a ferawai pana maana buk lagafan aave layaan a ferawai xe sina Piran malaan: “Piran, senaso nemaam ve maam mu rabuna siim, a maana rabuna aava ri baian nano ri vubuk ngaapunuk nemaam. E ri lamon o maam malaan sena mu sipsip aava xena punuxaana.” Yanganan 44:22.

1 Korin 4:10

Senaso maam namkai se Krais, a rabuna ri lamon o nemaam mu lamavaang. Taasaxa nami xo mi namkai se Krais e nami ve mi rabuna pana texaasan. Nemaam, maam piau ta gutan taasaxa mi toxan a gutan. A mu rabuna ri xalum fasivi nemaam taasaxa ri suaian nami.

2 Korin 4:11

Ri lisan vulan nemaam aava maam to, xe lana maatan sena usiaan na Yesus talo a toyan sina vaxa i taa savat la matavas la vipin simaam.

Filipai 1:29

E voxo a Piran fo tavai nami pana namkaian simi e pana maasaxan vaxa lana xuvulaian simi xuvul pa Krais.

1 Pita 2:23

Layaan ri kuus pengane nane pife sui nari pana ferawaian saat; layaan nane taxa siak a maasaxan nane pife gel tifi nari taasaxa nane taxa timin fatateak a lamonan sina xuluna kuus fanian sina Piran aava Saxa ina Tiisan tuuna e xaradak paaliu.

1 Pita 4:14

Tamo a xasano rabuna ri taa kasalan nami senaso mi taxa usi na Krais, mi taa faamamaas; a mo aanabe' a fakalimaan o a Vovau ina malangan, a Vovau sina Piran i taxa waan xulumi.

Kuusan Fasavatan 2:3

E nami sait, mi faisok faagut xaanak. La yaan ina fakasanaman soxot a isaak, mi fo tigina fatateak e mi pife mamaxus.