Matiu 26:41 - A Turoxoian Fa'ui Sina Piran

⁴¹ Mutul taa faalim e fenung talo mutul taa pife poxo lana tatafangan. A vovau simi a roxo, mi buk vil a moroxo, taasaxa a vipin simi a malmal.”

Kara

⁴¹ Mutul taa faalim e fenung talo mutul taa pife poxo lana tatafangan. A vovau simi a roxo, mi buk vil a moroxo, taasaxa a vipin simi a malmal.”

Matiu 26:41 Iomraidhean Croise

Matiu 24:42

“Kaalum votai! Senaso mi pife texaas sena so ta yaan a Memai simi i taa filimaan.

Matiu 25:13

E na Yesus a fataxapin a ferawaian sina malaan, “Faxatang senaso mi pife texaas sena yaan o xavil ina yaan layaan a Natuna Mataa i taa filimaan.”

Matiu 26:38

E nane kuus xe siri, “A mimilisaatan la xunus iga a faasilak i taa punuxau. Waan nabe' e mutul faalim xuvul paga.”

Matiu 6:13

E muta lisan nemaam xe lana vavalam taasaxa tivotan nemaam xasena gutan ina saatan.’

Maak 14:38

Faxatang e fenung vulai talo a tatafangan i taa pife savat xe siim. A xunus ina mataa a tateak taasaxa a vipin ina, piau!”

Luuk 11:4

Lamon tapin a mu vilaana saat simaam senaso nemaam vaxa maam lamon tapin nari aava ri bilai fasaat xasemaam. E no tivotan nemaam sena mu vavalam.”

Luuk 21:36

E voxo, faxatang faroxo vulai e fenung talo no fexaxaas sena sinufan a maana mo aava i taa savat e no taa tigina la nona Natuna Mataa.”

Luuk 22:40

Layaan ri savat pave a xuus nari, “Fenung talo mi taa pife poxo lana tatafangan.”

Luuk 22:46

Nane fin nari, “Senasou mi taxa matef? Para e mi fenung talo mi taa pife poxo lana tatafangan.”

Luuk 8:13

Nari aava la bina faat, ri langai e ri faamamaas pana Ferawaian aave taasaxa ri piau ta xarei. Ri namkai pana lou modak mon e mui layaan a vavalam a savat ri poxo lana namkaian siri.

A Si Pol Lagasai Xe Sina Mu Rom 8:3

Ne taxa xuus nami o a vuputkai pife fexaxaas sena pis votan a vilaana saat sitaara senaso a vubuxanan sina vipin sitaara a famarurupaxe. Taasaxa, a Piran xa a xavang netaara layaan nane feng a Natuna aava piau ta lalosaat, xe lapi la xavala. E nane xa maa savat matatuuna. E layaan a maat xataara, a Piran a timin a fakasanaman ina mu vilaana saat sitaara xe xuluna talo i taa fakaxup netaara sena vilaana saat sitaara.

1 Korin 10:13

Lamon fa'uli a so ta buk tafangan aava savat simi a fuuna savat sina xasano rabuna vaxa. Taasaxa Piran i taa fasavat a kuus fanaian sina e i taa pife turoxoian a tafangan aave xena xasliu a gutan simi talo mi taa pife tigina tateak. La so ta yaan a tafangan aave i taa savat simi a Piran i taa tavai nami pana gutan xena tigina lana e vaxa i taa faxalit nami pana salan xena sinuf sena.

1 Korin 16:13

Faxatang; tigina fatateak lana namkaian simi; muta mataut; waan fatateak.

1 Korin 9:27

Ne faisok faagut xena fatateak a taak e faxatange talo lamina yaan ne fo kuusan fasavat a Lagasai Roxo xe sina saxanofuna, a Piran i taa pife kuus votanau sena mamareiai aave.

Galesia 5:24

Nari aava ri rabuna si Krais Yesus, ri fuuna gigiran a maana vubuxanan e vilaana siri ti la xavala.

Efasis 6:18

Fenung pana maana buk fenungan e fiaian, lana tateaxan ina Vovau e pana xakaavangan sina la mu yaan xapiak; lalamon pana maana mo aanabe' e kaalum votai e lo fenung vulai pana mu rabuna fatak xapiak.

1 Pita 4:7

A fataxapiak ina maana mo xapiak fo faasilak. Mi lamon faroxo e a xunus imi i taa waan lapaana mu lamonan roxo simi talo mi taa fenung faroxo.

1 Pita 5:8

Para! Faxatang faroxo! A xaiyaas simi, na Setan, i taxa sangas xolai e i taxa vaas faagut malaan sena piu vupung ri xalie pana ʻlaionʼ e i taxa seng ta mataa talo i taa ngane.

2 Pita 2:9

E voxo maana mo aanabe' ri faxalit netaara o a Piran a texaas o malaafaa i taa fakaxup a mu rabuna roxo sena maana lagafan siri. E voxo nane texaas o malaafaa i taa pis fanei a mu rabuna saat fefexaxaas a yaan ina tiisaan nari taa savat.

Kuusan Fasavatan 16:15

“Faaxatang! Ne savat marasaxa, malaan sena mataa fafenau. Nase' ta mataa aava i taxa para, i taa faamamaas senaso i taa pife sangas xavuul e i taa pife mangil!”

Kuusan Fasavatan 3:10

Famodak e a yaan ina lagafan taa savat. A lagafan xena tafang a maana mu rabuna xapiak aava ri taxa waan la xavala. Taasaxa ne taa ti votan a tafangan aave talo i taa pife savat xe simi. Senaso mi fo faisok faagut xena usi a ferawaian siak.