Matiu 23:12 - A Turoxoian Fa'ui Sina Piran

¹² Tamo saxa la palou imi i taa lamon falavai nane xa, a Piran i taa fasivie e nase' ta mataa i taa lamon fasivi nane xa, a Piran i taa fatiginei fataxe.

Kara

¹² Tamo saxa la palou imi i taa lamon falavai nane xa, a Piran i taa fasivie e nase' ta mataa i taa lamon fasivi nane xa, a Piran i taa fatiginei fataxe.

Matiu 23:12 Iomraidhean Croise

Matiu 18:4

Nane aava matalava lana fatataganan sina Piran, i taa lamon fasivi nane xa malaan sena lak aanabe'.

Matiu 5:3

“Nari aava ri texaas o ri pife tigina fatak la matana Piran sena mu vilaana siri xa, naboxo a naian siri a roxo paaliu senaso a fatataganan sina Piran va siri.

Luuk 14:11

Nase' ta mataa i taa vil falavai nane xa i taa poxo e femangil. E nase' i taa vil fasivi nane xa i taa fa'isinan pana isin lava.”

Luuk 18:14

“Lavaxa, ne xuus nami o a mataa aanabe' ina siak taakis, nane sang mon a ta'ulan a lifu lotu pana luaian la xunus ina. Senaso nane aava lamon falavai nane xa, a Piran i taa lamon fasivie e nane aava lamon fasivi nane xa, a Piran i taa fatiginei fataxe.”

Jems 4:6

Taasaxa nane taa tavai netaara pana xakaavangan xatam molava sina. E voxo a Xakalayan ti Kavai a kuus fulaa malaan: “A Piran i taa xaiyaasan nari aava ri siak fati a isiri xa taasaxa i taa tavai a mu rabuna mam pana xakaavangan xatam sina.” Ferawai paap 3:34.

1 Pita 5:5

Lavaxa, nami mu xulau, mi taa waan lapaana mu matalava. E nami xapiak mi taa fafalak nami xa pana marapi ina vilaana mam. Mi muta siak fati a isimi xa taasaxa mi taa xavang a xasanofuna senaso a Xakalayan ti Kavai a kuus: “A Piran fuuna gigiran tapin a mu rabuna aava ri siak fati a isiri xa, taasaxa nane fuuna xavang a mu rabuna mam.” Ferawai paap 3:34.

1 Pita 5:6

E voxo mi taa vil fasivi nami xa lapaana gutan tateak ina Piran talo i taa siak fati nami la yaan nane vubuxane.