Matiu 22:44 - A Turoxoian Fa'ui Sina Piran

⁴⁴ “‘A Memai a kuus xe sina Memai siak, nai su' la pamuaan siak fefexaxaas a yaan ne timin a mu xaiyaas siim lapaana kaam.’ Yanganan 110:1.

Kara

⁴⁴ “A Memai a kuus xe sina Memai siak, nai su' la pamuaan siak fefexaxaas a yaan ne timin a mu xaiyaas siim lapaana kaam.” Yng 110:1

Matiu 22:44 Iomraidhean Croise

Matiu 22:45

Tamo na Devit a xalie pana ‘Memai’ malaafaa ve nane na natu Devit?”

Matiu 26:64

Na Yesus a suie, “Nano, no fo kuus malaan. Taasaxa ne xuus nami xapiak: ti lana yaan aanabe' mi taa xalum a Natuna Mataa aava nai la pamuaan sina Piran pana Gutan Xapiak, i taxa filimaan xe lapia la xavala xuluna mu vata.”

Maak 16:19

Pevoxo, layaan na Memai Yesus a taxapus pana ferawaian aanabe' a Piran ti laa'ui a xel fa'ulie e nane fe nai la pamuaan lana vepen sina Piran.

Luuk 19:27

E naboxo, a mu xaiyaas siak aava ri bai o nenia, ne taa paamuian nari, lisanmaan nari e punuk nari la mataak.’”

A Lagasai Roxo Na Jon A Xaleie 20:28

E na Tomas a suie, “Nano, no Memai siak. No Piran siak.”

1 Korin 1:2

xe simi pe Korin aava mi waan la tinoxolan sina Piran. A Piran a fanei patak nami xa Krais e xel nami xena waan faxaradak xuvul pana mu rabuna xapiak aava ri fenung lapaana isi Memai sitaara, na Yesus Krais aava Memai sitaara xapiak.

1 Korin 15:25

Senaso na Krais i taa tamana paamuian a maana mo xapiak fefexaxaas a Piran i taa famati a mu xaiyaas si Krais lapaana kana.

Filipai 3:8

E fulaa, ne lamon o a maana mo xapiak sina rabuna ri mo palau layaan ne fexaxaasane xuvul pana texaasan molava aava ne siaxe sena Memai siak, na Krais Yesus. Ne fo tapin fapalauan a maana mo xapiak xena usie. Ne lamon o a maana mo aave ri malaan sena xawa mon talo ne fexaxaas sena waan xuvul pa Krais.

Hibru 1:13

A Piran pife xuus ta saxa angelo o: “No maa nai nabe' faasilak la pamuaan iga fefexaxaas sena yaan ne taa timin a maana xaiyaas siim lapaana kaam malaan sena mo ina vaapaas.” Yanganan 110:1.

Hibru 1:3

Nane sang mon i taxa faxalit a miridingan sina Piran; a maana mo xapiak sina e maana mo sina Piran ri fexaxaas. E pana gutan ina ferawaian sina nane taxa lo tao fanei fatateak a maana mo aava nane fo vesane. E lamina yaan nane fo siak a lamon tapinan sena vilaana saat xana mu rabuna xapiak, nane laak xe la xunavata e fe nai la pamuaan sina Piran pana Maana Gutan Xapiak.

Hibru 12:2

Taara taa xalum fatak na Yesus senaso nane fo tangpat a namkaian sitaara e nane xa taa fataxapine. Nane pife faatasu sena bolo sina, piau. Taasaxa nane lamon fepalauan a mangilan ina e lamon faagut sena faamamaasan aava i taa savat lumui. E naboxo nane taxa nai la pamuaan ina ivin sina Piran.

Kuusan Fasavatan 19:19

E mui ne xalum a vupung patak aava savat ti la laman e a maana piran king ti la xavala pana maana mu rabuna ina rawen siri. Nari xapiak fo faxuvul xena fevis xuvul pana Mataa Fatak aava nai xuluna ʻhosʼ pasak e mu rabuna sina.