Matiu 21:19 - A Turoxoian Fa'ui Sina Piran

¹⁹ E nane xalum a wai xakaap la xasing ina salan e falet soxote taasaxa pi ta xalana, a paxana mon. E nane kuus xe sina wai, “No taa pife fuaa fulaa!” E a wai xakaap a maiyang fa'ipul.

Kara

¹⁹ E nane xalum a wai xakaap la xasing ina salan e falet soxote taasaxa pi ta xalana, a paxana mon. E nane kuus xe sina wai, “No taa pife fuaa fulaa!” E a wai xakaap a maiyang fa'ipul.

Matiu 21:19 Iomraidhean Croise

Matiu 21:20

A mu fefeng sina ri ipul faagut layaan ri xalume e ri fine, “A wai xakaap a maiyang fa'ipul malaafaa?”

Maak 11:14

E nane faraweie malaan, “A rabuna taa pife fangan sema fulaa!” E mu fefeng ri langaie.

Maak 11:20

La paanen lolof ri falet fulaa xe Jerusalem e ri xalum a wai aava na Yesus fo kuus fatutule. A wai naang fo maiyang ti la xarei ina xe laa'ui.

Luuk 3:9

A yaamu i taxa waan xo la funa wai e a wai aava pife fasavat a xalana roxo, a Piran i taa tei tapine xe lana fata.”

A Lagasai Roxo Na Jon A Xaleie 15:2

I taa tilip tapin a maana raxan iga aava ri pife fuaa e nane taa sapit gon faroxoi a maana raxan iga aava ri fuaa talo ri taa fuaa faagut.

A Lagasai Roxo Na Jon A Xaleie 15:6

Nase' ta mataa pife taagul xuvul paga ri taa tapin fapalauane malaan sena raxan ina wai aava mu rabuna ri tapine talo i tafe maiyang. Mui ri faxuvul a mu raxan naang e ri timin nari lana fata xena faramaana.

2 Timoti 3:5

Lana vilaana siri, ri usi a vuputkai ina lotu sitaara, taasaxa vilaana aave a xaxaalua bit palau e ri taaluugan a gutan ina. Faapalau sena rabuna aave.

Taitus 1:16

Ri kuus o ri texaas sena Piran taasaxa pana vilaana siri, ri faxalit a texaasan siri a mosaat paaliu. Ri langai pesalai faagut, ri lalamon fasaat e tuuna ri pife fexaxaas sena vil a vilaana roxo.

Juut 1:12

A mu matafanganai sina Memai simi, a rabuna aave ri kawaasane. Ri nai fangan xuvul pami e ri pife mangil sena. Ri vubuxan xasingit nari xa. Ri malaan sena vata aava reref a fiitan maane taasaxa piau ta raafui a savat sena. Ri malaan sena maana wai aava ri pi fufuaa la maana mariaas e ri put tapinan e ri maiyang.

Kuusan Fasavatan 22:11

A mataa aava bilai fasaat, ta'ulane i waan su malaan. A mataa a fuuna usi a vilaana lalosaat, ta'ulane i waan su malaan. A mataa aava bilai faroxo, ta'ulane i waan su malaan. A mataa a fuuna usi a vilaana fatak e tuuna, ta'ulane i waan su malaan vaxa.”