Matiu 16:26 - A Turoxoian Fa'ui Sina Piran

²⁶ Tamo mataa taa siak a maana mo roxo aava waan la xavala taasaxa, a toyan tuuna sina a malit, a maana mo aave ri taa xavange malaafaa? Piau, ri taa pife xavange. Piau ta mo nane fexaxaas sena tatavai pana xena maraan fa'uli a toyan sina.

Kara

²⁶ Tamo mataa taa siak a maana mo roxo aava waan la xavala taasaxa, a toyan tuuna sina a malit, a maana mo aave ri taa xavange malaafaa? Piau, ri taa pife xavange. Piau ta mo nane fexaxaas sena tatavai pana xena maraan fa'uli a toyan sina.

Matiu 16:26 Iomraidhean Croise

Matiu 16:25

Nase' ta mataa a lamon o a toyan sina a mo molava i taa piau ta toyan tuuna. Taasaxa nase' ta mataa a lamon o a toyan sina pife mo molava senaso a vubuk usiau, nane xo i taa toxan a toyan tuuna paaliu.

Matiu 16:27

Ne kuus malaanabe' senaso faasilak a Natuna Mataa i taa savat. I taa filimaan lana miridingan sina Piran xuvul pana mu angelo sina. E mui, i taa fasepirigus a maana rabuna fexaxaas malaan sena vilaana siri.

Matiu 5:29

E tamo a mataam pamuaan a fasavat a vilaana saat malaan, put tapine. Senaso tamo i taa waan i taa kawaasan a toyan xapiak siim. A mo roxo o a xavil modak ina taam i taa malit talo a taam xurul i taa pife waan la vaa'ul ina fakasanaman pana fata.

Luuk 12:20

“Taasaxa Piran a xuuse, ‘Nano, no mataa lamavaang paaliu! Monabe' mon la vung i taa yaan ina maatan siim. E nase' taa siak a maana mo no fo faxuvule xaanum?’

Luuk 16:25

“Taasaxa na Abrahem a kuus, ‘Natuk, naboxo lamon fa'uli a mo aanabe': lumua lana toyan siim, no siak a maana mo roxo e na Lasarus a siak a maana mo mosaat. Taasaxa naboxo, lana bina aanabe' nane xo a famaluluman e nano, no toxan a maasaxan.

Luuk 9:25

A mataa i taa toxan a so ta malangiis tamo i taa siak faxuvul a maana mo xaves lana taagulan sina la xavala e mui a toyan tuuna sina i taa malit?