Matiu 16:18 - A Turoxoian Fa'ui Sina Piran

¹⁸ E ne xuus nano, Pita, nano ve no faat lava e layaan ne xel faxuvul a mu rabuna aava ri taa namkai sega, nano ve no faat aava fufuna faxuvulan aave e a gutan ina maatan i taa pife fa'onam a faxuvulan aave.

Kara

¹⁸ E ne xuus nano, Pita, nano ve no faat lava e layaan ne xel faxuvul a mu rabuna aava ri taa namkai sega, nano ve no faat aava fufuna faxuvulan aave e a gutan ina maatan i taa pife fa'onam a faxuvulan aave.

Matiu 16:18 Iomraidhean Croise

Matiu 10:2

A isina mu yaamut sangafilu saxa pana taragua aave a malaan: paamua, na Saimon aava ri xalie pa Pita xuvul pa tina, na Endru e na Jems xuvul pa tina, na Jon aava re ro lak si Sebedi.

Matiu 11:23

E nami mu Kapanam mi faatulan nami xa e mi lamon o a mu rabuna pe la xunavata vaxa ri taxa faatulan nami, bo? Piau, a Piran i taa tapin fasivi nami xe la bina ina fakasanaman vulai. E tamo a maana mo fa'ipul aava mi fo xalume, ri fo savat pe la bina Sodom, tanin nari tafo waan lunai.

Matiu 18:17

E tamo nane taa pife langai sire lavaxa, kuusane xe sina mu rabuna lana lotu. E tamo nane bai langai siri lunai, bilai xe sina malaan se' nane ve a mataa ina siak taakis o ta xasa mataa aava pife namkai.

Matiu 4:18

La fena sangasan sina la vangana Laman Galili nane xalum a ro fetinan, na Saimon aava ri xalie pa Pita nare Endru. Re taxa tapin fasivi a vana sire la taas senaso re fuuna faadinan.

Matiu 7:24

“E voxo nase' ta mataa a langai a ferawaian siak e usie, i taa malaan sena mataa pana texaasan aava vesan a lifu sina xuluna faat tateak.

A Lagasai Roxo Na Jon A Xaleie 1:42

E nane lisan ete xe si Yesus. Na Yesus a xalume e kuus, “Nano, no Saimon, a lak si Jon taasaxa ri taa xali nano pa Sifas.” (Layaan no taa puk a isin aanabe' i taa fe savat ʻPitaʼ e voxo taara xalie pa Saimon Pita).

Faisok 2:47

Ri kuus fati a isina Piran pana merawan. E xasano rabuna ri faamamaas pana vilaana siri. A Piran i taxa lo falak a xakatan iri la maana yaan.

Faisok 20:28

Faxatang nami e a malila aava Vovau Xaradak a tavai nami pana xena faxatangaan nari. Faxatang faroxoi a mu rabuna sina Piran aava nane maraane pana ria ina.

Faisok 8:1

Na Sol a turoxo pana maatan si Stefan. La yaan aapave a lagafan molava a savat xe sina mu rabuna aava ri namkai. E voxo ri sinuf fepatok xe la mu bina xapiak pe lana Judia e Sameria. Taasaxa mu yaamut ri waan pe Jerusalem.

1 Korin 15:55

Maatan, no fo fa'onam nase'? Maatan, no taa pirak nase'?” Osea 13:14.

Galesia 2:9

Na Jems, Pita e na Jon, narutul aava mu rabuna ri texaas sena isin lava sirutul lana lotu, rutul suai e yuuf ma xuvul pamaame Baanabas layaan rutul taraxali o a Piran fo siak fatiau e fo tavaiau pana xakaavangan xatam xena faisok aanabe'. Ri turoxo o maame taa falet xe sina mu rabuna aava ri pife Juda e nari, ri taa falet xe sina mu Juda.

Efasis 3:10

E naboxo nane vubuk rao a mu rabuna sina ri taa faxalit a maana buk texaasan lava sina Piran xe sina maana buk angelo aava ri paamuian a maana mo la xunavata pana gutan.

Efasis 5:32

A mo aanabe' a mo fufunai molava taasaxa ne taxa ferawai pa Krais e a rabuna sina Piran.

Kolaasi 1:18

E nane va paat e mu rabuna aava ri namkai, ri vipin sina. E nane ve a tangpatan e a savat paamua ti la mamaat. E voxo lana maana mo xapiak nane tigina paamua pana isin molava paaliu.

1 Timoti 3:15

Taasaxa, tamo ne pife fexaxaas sena savat fataapus a lagasai aanabe' i taa xuus fatexaas nami pana mu vilaana sina rabuna aava ri taagul faroxo lana matafetama sina Piran aava waan vulai. A matafetama aanabe' ve a malaan sena lifu sina Piran senaso nane taxa taagul lana. A rabuna aave ri taa taagul lapaana tuunayan e faxatang faagutan a fepitaian ina.

1 Timoti 3:5

Tamo nane pife fexaxaas sena paamuian faroxoi a matafetama sina malaafaa i taa paamuian faroxoi a rabuna sina Piran?

Hibru 12:28

E voxo senaso taara taa siak a Fatataganan sina Piran aava mara'ulia pife fexaxaas sena faradakuie, taara taa faamamaas e nangus a Piran pana vilaana aava ri taa vil fananame, a vilaana ina suaian e pangaa pana matautan.

Kuusan Fasavatan 11:15

E a fapisiguakaana angelo a piif a tafiu sina e saxanu ling laa'ui lana xunavata, ri faabarak e ri kuus malaan: “A Piran narie Mataa Failai Sina, re waan Matalava e Piran Tuuna xuluna xavala. E nare, re taa piran xuluna vulai, vulai!”

Kuusan Fasavatan 21:14

A vaabat ina bina a toxan a fufuna faat sangafilu saxa pana taragua lapaana e a maana faat saxa saxa aave ri toxan a isin ina mu yaamut sangafilu saxa pana taragua sina Natuna Sipsip.