Matiu 11:6 - A Turoxoian Fa'ui Sina Piran

⁶ Nari aava namkaian siri sega pife milung, ri taxa faamamaas.”

Kara

⁶ Nari aava namkaian siri sega pife milung, ri taxa faamamaas.”

Matiu 11:6 Iomraidhean Croise

Matiu 13:21

Taasaxa a lagasai aave pife waan fatateak la xunus iri e ri usi famodaxe mon. Layaan a lagafan o vil penganan a savat la toyan siri senaso ri namkai sena lagasai aave, ri ta'ulan fatapusane.

Matiu 18:7

“I taa pife falet faroxo pami mu rabuna la xavala senaso toxan a valaman aava familung nami e kawaasan a namkaian simi! A maana mo aave, vulai ri taa savat taasaxa i taa pife falet faroxo pan' ta mataa aava familung a xasa mataa!

Matiu 24:10

A maana rabuna xaves ri taa ta'ulan a namkaian siri lana yaan aave; ri taa pet lisan nari xa e febaian nari.

Matiu 26:31

E na Yesus a kuus xe siri, “La vung naang nami xapiak xo mi taa sinuf e ta'ulanau e voxo ne taa waan nenia sang mon senaso a Xakalayan Taap a kuus, “‘Nenia, ne taa punuk a mataa ina faxatangaana sipsip e nari mu sipsip ri taa falet fepatok’. Sekaraia 13:7.

Matiu 5:29

E tamo a mataam pamuaan a fasavat a vilaana saat malaan, put tapine. Senaso tamo i taa waan i taa kawaasan a toyan xapiak siim. A mo roxo o a xavil modak ina taam i taa malit talo a taam xurul i taa pife waan la vaa'ul ina fakasanaman pana fata.

Maak 6:3

Nane a mataa ina faisok mon, bo? A lak si Maria? A mu tina va na Jems, Yosep, Juut e na Simon, ri taxa waan xuvul pataara, bo? E mu vasaana sait, a sou ri pife waan la palou itaara?” E voxo ri marala pana.

Luuk 2:34

Na Simeon a fenung xe sina Piran pari e a xuus na Maria, a ninana lak, malaan, “A lak aanabe' a Piran a siak fatie xena kawaasanaana saxanofuna ti Israel e xena fakaxup a saxanofuna. Nane ve a fakalimaanan aava maana rabuna ri taa tisuie e voxo a lamonan fufunai siri taa savat la matavas. E a matafanan malaan sena pinis modus i taa xi a viuma.”

Luuk 7:23

A rabuna aava ri pife puk tapin nari xa xasega ri taa faamamaas.”

A Lagasai Roxo Na Jon A Xaleie 16:1

“Ne fo xuus nami pana maana mo aanabe' talo mi taa pife milung.

A Lagasai Roxo Na Jon A Xaleie 6:66

Tangpat la yaan aanabe' e falet, saxano fefeng sina ri ta'ulane e ri pife sangas xuvul pana fulaa.

1 Korin 2:14

A mataa aava pi ta Vovau aave i taa pife turoxo pana maana mo aava ri savat sena Vovau sina Piran. Nane pife masam seri e a lamon o ri mo palau mon. Nane pife fexaxaas sena taraxali a maana mo sina Vovau sina Piran tamo nane piau ta vovau aave.

Galesia 5:11

Mu fetinan, tamo a tuuna nenia, ne taxa lo kuus fasavat lunai o a vilaana ina vuputuxan a roxo, xenaso a rabuna ri taxa lo vil penganau? E tamo ne kuus malaan, a rabuna ri taa pife mangil sena bolo si Krais.

1 Pita 2:8

E saxa Xakalayan ti Kavai fulaa a kuus: “A faat aanabe' i taa fakalaxoi a rabuna e i taa fapoxoi nari.” Aisaia 8:14. Ri taa kalaxoi senaso ri pife namkai sena ferawaian sina Piran e nane xo a lamon faati o ri taa usi a vilaana ina langai pesalaian aanabe'.