Matiu 11:3 - A Turoxoian Fa'ui Sina Piran

³ E ri fe fin na Yesus, “Xuus nemaam, nano, no saxa aava na Jon a kuus o i taa savat o maam taa waan bang a xasafuna?”

Kara

³ E ri fe fin na Yesus, “Xuus nemaam, nano, no saxa aava na Jon a kuus o i taa savat o maam taa waan bang a xasafuna?”

Matiu 11:3 Iomraidhean Croise

Matiu 11:10

Lana Xakalayan Taap a Piran a ferawai pa Jon layaan a kuus: “‘Ne taa feng a fefeng siak xena lisan a lagasai paamuin nano e nane i taa faigotan a salan xaanum.’ Malakai 3:1.

Matiu 11:4

E na Yesus a sui nari, “Ulaa xe si Jon e xuuse pana so ta mo mi fo langaie e xalume:

Matiu 21:5

“Xuus a mu rabuna la bina Jerusalem pana, ‘Kaalum, a piran king simi i taxa filimaan xe simi! Nane a mataa mam e a falet xolai xuluna ʻdonkiʼ, tuuna nane taxa nai laa'ui xuluna natuna ʻdonkiʼ.’” Sekaraia 9:9.

Matiu 21:9

A malila aava ri sangas paamuin na Yesus e nari aava ri sangas lumui lamina ri xukulai, “Faatulan a Natu Devit. A piran king aava savat lapaana isi Memai, a naian sina a roxo paaliu. Taara xapiak taara kuus faatulan a Piran sena fakaaxupan sina.” Yanganan 118:26.

Maak 11:9

E a mu rabuna ri sangas paamua e lumui la mi Yesus e ri taxa xukulai faagut malaan, “Hosaana! Faamamaas pana mataa i taa siak fati a isina Piran.

Luuk 19:38

Ri kuus, “A Piran King aava savat lapaana isi Memai, a naian sina i taa roxo paaliu.” Yanganan 118:26. “A luaian taxa waan la xunavata e a suaian molava piis xe sina Piran aava waan la xunavata.”

A Lagasai Roxo Na Jon A Xaleie 11:27

E nane suie, “Aang Memai, ne namkai o nano, no Mataa Failai, no Natuna Piran, nane aava i taa savatmaan xe la xavala.”

A Lagasai Roxo Na Jon A Xaleie 12:13

e ri siak a mu paxana nunui e xasano mo e ri fe paan xena fasusuie. E ri taxa lo xukulai: “Hosaana! Fakaaxup! Nane aava i taxa savatmaan lapaana isina Piran i taa faamamaas! Faamamaasan xuluna Piran King ti Israel!” Yanganan 118:25.

A Lagasai Roxo Na Jon A Xaleie 16:14

I taa siak fati a isaak senaso a maana mo aava i taa xuus fatexaas nami pana ve, ri maana mo sega.

A Lagasai Roxo Na Jon A Xaleie 4:21

E na Yesus a kuus xe sina, “Langai faroxoiau; saxa yaan i taa savat e a naangusan xe sina Tamataara i taa pife waan xuluna put aanabe' o pe Jerusalem.

A Lagasai Roxo Na Jon A Xaleie 6:14

A mu rabuna ri xalum a mo fa'ipul aava na Yesus fo vile e ri kuus, “A tuuna, nane ve a Mataa ina Kuus Fatuxai aava kavai ri fo kuus o i taa filimaan xe la xavala.”

A Lagasai Roxo Na Jon A Xaleie 7:31

A mu rabuna xaves lana malila, ri namkai sena e ri kuus, “Layaan a Mataa Failai taa savat, i taa vil a maana fakalimaanan xaves sena mataa aanabe'?”

Hibru 10:37

A malaan sena Xakalayan ti Kavai a kuus: “Famodak fulaa e nane aava i taa filimaan i taa savat e i taa pife sovut.