Matiu 11:25 - A Turoxoian Fa'ui Sina Piran

²⁵ La yaan aave na Yesus a kuus, “Tamaang, nano, no Memai ina xavala e xunavata xapiak e ne kuus faasiroxo xe siim senaso no fo fun a maana mo xasena rabuna pana texaasan e masaman taasaxa no fo faxalit famatavas a mu rabuna palau pana maana mo aanabe'.

Kara

²⁵ La yaan aave na Yesus a kuus, “Tamaang, nano, no Memai ina xavala e xunavata xapiak e ne kuus faasiroxo xe siim senaso no fo fun a maana mo xasena rabuna pana texaasan e masaman taasaxa no fo faxalit famatavas a mu rabuna palau pana maana mo aanabe'.

Matiu 11:25 Iomraidhean Croise

Matiu 16:17

E na Yesus a xuuse, “Saimon, no natu Jona, no taa faamamaas senaso pi ta mataa a fapiti nano pana tuunayan aanabe', piau. Na Tamaang pe la xunavata, nane xa a xuus fatexaas nano pana.

Matiu 21:16

e ri xuuse, “Nano, no langai pana ferawaian sina mu rafulak aanabe', bo?” E na Yesus a sui nari, “Aang, ne langai nari. E nami, mi pife kat a mo aanabe' lana Xakalayan Taap? “‘No fo fapiti a mu rafulak e mu popo talo ri taa kuus faatulai fatak.’” Yanganan 8:2.

Luuk 22:42

“Tamaang, tamo no vubuxane, siak tapin a lisa ina maasaxan aanabe' i taa savat xulok. Taasaxa pife vubuxanan siak i taa savat, a vubuxanan siim.”

Luuk 23:34

E na Yesus a kuus, “Tamaang, lamon tapin a vilaana saat siri senaso ri vungut sena so ta mo ri taxa vile.” Saxano rabuna ina fevisan ri tapin a faat xena siak a marapi si Yesus.

A Lagasai Roxo Na Jon A Xaleie 11:41

E voxo ri pul tapin a faat e na Yesus a kaalum xe laa'ui e kuus, “Tamaang, ne kuus faasiroxo xe siim senaso no fo langaiau.

A Lagasai Roxo Na Jon A Xaleie 12:27

“Taasaxa naboxo a xunus iga a pife luai, ne taa kuus malaafaa: Tamaang, fakaxupau sena yaan aanabe'? Piau! A yaan aanabe' mon ve a fufuna savatan siak.

A Lagasai Roxo Na Jon A Xaleie 12:28

Tamaang, siak fati a isaam!” E a ling a savat ti laa'ui la xunavata e a kuus, “Ne fo siak fati a isaak paamua e ne taa siak fati fulane.”

Faisok 17:24

A Piran aava vesan a xavala e maana mo lana, nane ve a Memai ina xunavata e xavala. E nane pife taagul lana lifu lotu aava rabuna ri vesane.

1 Korin 2:10

Taasaxa Piran fo faxalit famatavase xe sitaara sena Vovau ina. A vovau aave a xalum xolan a maana mo xapiak e maana fufuna faisok sina Piran sait.

2 Korin 3:14

A Piran a fatavanat a lamonan siri fefexaxaas tanin e a xakaafutan naang taxa waan lunai layaan ri kat a Xakalayan ti Kavai. A Piran pife siak tapine senaso nane taa siak tapine seri aava ri waan la xuvulaian xuvul pa Krais mon.