Matiu 11:23 - A Turoxoian Fa'ui Sina Piran

²³ E nami mu Kapanam mi faatulan nami xa e mi lamon o a mu rabuna pe la xunavata vaxa ri taxa faatulan nami, bo? Piau, a Piran i taa tapin fasivi nami xe la bina ina fakasanaman vulai. E tamo a maana mo fa'ipul aava mi fo xalume, ri fo savat pe la bina Sodom, tanin nari tafo waan lunai.

Kara

²³ E nami mu Kapanam mi faatulan nami xa e mi lamon o a mu rabuna pe la xunavata vaxa ri taxa faatulan nami, bo? Piau, a Piran i taa tapin fasivi nami xe la bina ina fakasanaman vulai. E tamo a maana mo fa'ipul aava mi fo xalume, ri fo savat pe la bina Sodom, tanin nari tafo waan lunai.

Matiu 11:23 Iomraidhean Croise

Matiu 10:15

Ne kuus tuuna, lana yaan ina tiisan lava sina Piran, a Piran i taa faxalit a mu rabuna saat ti Sodom nare Gomora pana mamaaluxan molava sena rabuna ti la maana bina aave.

Matiu 16:18

E ne xuus nano, Pita, nano ve no faat lava e layaan ne xel faxuvul a mu rabuna aava ri taa namkai sega, nano ve no faat aava fufuna faxuvulan aave e a gutan ina maatan i taa pife fa'onam a faxuvulan aave.

Matiu 17:24

Layaan na Yesus xuvul pana mu fefeng sina ri savat pe Kapanam a mu rabuna ina siak taakis ina tang lifu lotu ri maa savat si Pita e ri fine, “A mataa ina fepitaa simi, nane maraan a taakis ina tang lifu lotu, bo?”

Matiu 4:13

Nane ta'ulan na Nasaret e fe taagul pe Kapanam aava waan la itina raarum pe Sebulan e Naaptali.

Matiu 8:5

Layaan na Yesus a laak la bina Kapanam a saxa paamua ina rawen ti Rom a savat sina e fenung pana xakaavangan sina malaan,

Luuk 10:15

E nano, bina Kapanam, naak a isaam i taa laak xe laa'ui la xunavata vulai, bo? Piau, a bina siim i taa kawaasanan e a isaam lava i taa taxapus.

Luuk 14:11

Nase' ta mataa i taa vil falavai nane xa i taa poxo e femangil. E nase' i taa vil fasivi nane xa i taa fa'isinan pana isin lava.”

Luuk 16:23

E nane xo a waan la bina ina fata aava raam vulai e a toxan a maasaxan vulai. Nane kaalum laak xe laa'ui e xalum na Abrahem nare Lasarus re taxa waan lasuun temasaat.

Luuk 4:23

Na Yesus a kuus xe siri, “Tuuna paaliu, mi taa xuusau pana ferawaian paap aanabe', ‘Mataa ina i'irin, vil faroxoi nano xa’ e mi taa kuus fulaa, ‘Maam fo langai o no fo vil a maana mo fa'ipul pe Kapanam lavaxa, fasavat a mo malaan, nabe' la fufubina siim.’”

Faisok 2:27

senaso no taa pife ta'ulanau lana bina ina mamaat.’ E vaxa malaan laa, ‘A mataa failai siim taa pife masiik.

Faisok 2:31

Senaso na Devit a texaas sena maana mo aava ri taa savat, nane ferawai pana to fa'ulaian si Krais layaan a kuus o a Piran i taa pife ta'ulane lana bina ina mamaat e vaxa a vipin ina i taa pife masiik pave.

Juut 1:7

Lamon fa'uli a ro bina lava, na Sodom e Gomora e mu miraxana bina faasilak sere. A rabuna pave ri kawaasan fasaat paaliuan a vilaana ina tamaian e voxo ri siak a fakasanaman lana fata aava waan vulai. A mo aanabe' a savat xena faxalit a mu rabuna xapiak pana fakasanaman aava i taa savat talo ri taa pife usi a vilaana siri.

Kuusan Fasavatan 1:18

Nenia, ne taxa to taasaxa paamua ne maat e naboxo ne toxan a toyan xe vulai. E ne toxan a ʻkiʼ taragua, saxa ina Maatan e saxa ina bina lapaana xavala aava ri xalie pana ʻHelʼ.

Kuusan Fasavatan 11:8

E a mamaat ire taa mati lana salan ina bina lava aava Piran a ferawai paap sena e xalie pa Sodom e Isip. A bina aava punuxaan nare lana move, a bina aava rabuna fo niil fataxutan a Memai sire lana paamua.

Kuusan Fasavatan 20:13

A laman a mulus tapin a mamaat aava ri taxa waan lana. A maatan e a bina ʻHelʼ vaxa, re mulus tapin a mu mamaat aava ri taxa waan lana. E mu mamaat saxa saxa a tiisan pana so ta mo nane fatak fo vile.

Kuusan Fasavatan 6:8

E ne kaalum e a ʻhosʼ a tana xiis a savat. Isina mataa xuluna ve na Mamaat. E na ʻHelʼ aava bina ina fakasanaman, a savat faasilak lamina. E narie, re fepatoxan a maana mu rabuna xapiak lapia xuluna xavala fexaxaas sena pabung talafaat. E re siak a pabung saxa xena punuk a maana mu rabuna lana. Re punuk nari pana fevisan, song, giisan e pana maana vupung ti la latan.