Matiu 11:1 - A Turoxoian Fa'ui Sina Piran

¹ Layaan na Yesus a fapiti xapin a mu rabuna sangafilu saxa pana taragua sina, a ta'ulan a bina pave e falet xena fepitaa e kuusan fasavat a Lagasai Roxo la maana bina pe Galili.

Kara

¹ Layaan na Yesus a fapiti xapin a mu rabuna sangafilu saxa pana taragua sina, a ta'ulan a bina pave e falet xena fepitaa e kuusan fasavat a Lagasai Roxo la maana bina pe Galili.

Matiu 11:1 Iomraidhean Croise

Matiu 28:20

e fapiti nari xena langai fatak a maana vuputkai aava ne fo tavai nami pana. E nenia xo, ne taa waan vulai xuvul pami fefexaxaas a yaan a xavala aanabe' i taa taxapus.”

Matiu 4:23

Na Yesus a falet xolai pe Galili e nane fepitaa la maana lifu ina faxuvulan siri e kuusan fasavat a Lagasai Roxo sena fatataganan sina Piran. E a maana buk giisan aava fo sip a rabuna, nane vil faroxoie.

Matiu 7:28

Layaan na Yesus fo fataxapin a ferawaian aanabe' a malila ri ipulan a fepitaian sina.

Matiu 9:35

Na Yesus a falet xe la maana mu bina lava e modak e fepitaa la mu lifu ina faxuvulan siri e kuusan fasavat a Lagasai Roxo sena fatataganan sina Piran e vil faroxoi a rabuna pana maana buk giisan xapiak.

Maak 6:12

E nari xapiak ri falet e ri fasei a mu rabuna o ri taa puk a xunus iri e ta'ulan a vilaana saat siri.

Luuk 23:5

Taasaxa, ri kuus fulaa, “Nane taxa vil faraak a rabuna lana maana nobina pe Judia pana fepitaian sina. Nane tangpat pe Galili e naboxo a savat iau.”

Luuk 8:1

Lamina, na Yesus taxa falet xolai la mu bina xena kuusan fasavat a Lagasai Roxo sena fatataganan sina Piran. E a mu yaamut sangafilu saxa pana taragua ri falet xuvul pana.

A Lagasai Roxo Na Jon A Xaleie 15:10

A malaanabe': ne fo usi fatak a vuputkai si Tamaang e voxo ne taagul lapaana vubuxanan sina; tamo mi taxa usi fatak a vuputkai siak mi taxa taagul lapaana vubuxanan siak.

A Lagasai Roxo Na Jon A Xaleie 15:14

E nami, mi mu fesing siak layaan mi taxa usi fatak a mu vuputkai siak.

Faisok 1:2

Paamuina laaxan sina nane tavai a mu yaamut aava nane fo siak fati nari, pana fepitaian lapaana gutan sina Vovau Xaradak.

Faisok 10:38

Mi texaas o a Piran a noxol na Yesus ti Nasaret pana Vovau Xaradak e gutan. E na Yesus a falet xolai pana vilaana roxo e nane mulus tapin a mu rabuna xapiak aava ri sisiak si Setan. Nane vile senaso a Piran a waan xuvul pana.

Faisok 10:42

Na Yesus a fasei nemaam o maam taa fapiti a mu rabuna pana Lagasai Roxo e maam taa kuus xakaavang o nane ve a saxa aava Piran a fatie xena tiis a mu rabuna xapiak, nari aava ri taxa to e nari aava ri fo maat.

1 Tesalonaika 4:2

Mi texaas sena maana fepitaian aava maam fo tavai nami pana lapaana gutan si Memai Yesus.

2 Tesalonaika 3:10

Layaan maam waan xuvul pami maam xuus nami malaan, “Nase' ta mataa bai faisok i taa pife fangan.”

2 Tesalonaika 3:6

Lapaana isi Memai Yesus Krais, maam fasei faagutan nami mu fetinan, o mi taa faapalau sena mu fetinan aava ri nai palau e ri pi ri faisok. Senaso ri langai pesalai sena fepitaian simaam.