Matiu 10:7 - A Turoxoian Fa'ui Sina Piran

⁷ Falet e kuus fasavat malaan, ‘A fatataganan sina Piran i taxa waan faasilak.’

Kara

⁷ Falet e kuus fasavat malaan, ‘A fatataganan sina Piran i taxa waan faasilak.’

Matiu 10:7 Iomraidhean Croise

Matiu 10:8

Vil faroxoi a mu rabuna aava ri giis, fatatoi fa'uli a mu mamaat, vil faroxoi nari pana tari tapak e gei tapin a mu masalai. Mi fo siak xatam a tateaxan xena faisok aanabe' e voxo mi taa xavang xatam a rabuna.

Matiu 11:1

Layaan na Yesus a fapiti xapin a mu rabuna sangafilu saxa pana taragua sina, a ta'ulan a bina pave e falet xena fepitaa e kuusan fasavat a Lagasai Roxo la maana bina pe Galili.

Matiu 21:31

E na Yesus a fin a mu paamua priis e mu matalava, “Nase' ta lak a usi a vubuxanan si Tamare?” E nari, ri suie, “A lak tuaan.” E na Yesus a kuus xe siri, “Ne xuus tuunei nami o a mu rabuna ina faxuvul a taakis e lutefin ina lisan xolanaan nari, ri taa laak paamuin nami xe la fatataganan sina Piran.

Matiu 21:43

E na Yesus a kuus fulaa, “E voxo ne xuus nami, a Piran i taa ti votan nami xasena laaxan la fatataganan sina e i taa kase xe siri aava ri vil a faisok roxo.

Matiu 23:13

“Nami mu rabuna ina fepitaa pana vuputkai e nami mu Ferasi, mi mu xalema maranga! Faxatang! A waanan simi i taa pife falet faroxo senaso mi xao a matana lifu xe lana Fatataganan sina Piran talo xasanofuna aava ri buk laak xe lana, ri pife fexaxaas e nami xa mi pife laak lana vaxa.

Matiu 4:17

Ti la yaan aave na Yesus a tangpat pana kuusan fasavat a ferawaian sina Piran malaan, “Puk tapin nami xa xasena vilaana saat simi senaso a yaan ina savatan sina fatataganan sina Piran a faasilak.”

Maak 6:12

E nari xapiak ri falet e ri fasei a mu rabuna o ri taa puk a xunus iri e ta'ulan a vilaana saat siri.

Luuk 16:16

“A mu vuputkai e maana ferawaian sina rabuna ina kuus fatuxai fo kuusan fasavatan fefexaxaas a yaan na Jon a savat. Naboxo, lamina yaan si Jon, a Lagasai Roxo ina fatataganan sina Piran i taxa kuusan fasavatan. E a maana rabuna xaves ri taxa vubuk paaliu o ri taa laak xe lana.

Luuk 9:2

Nane feng fepatoxan nari xena kuusan fasavat a fatataganan sina Piran e xena vil faroxoiaana mu giisan.

Luuk 9:6

E voxo nari aave ri tamasiak e ri fe kuusan fasavat a Lagasai Roxo e ri vil faroxoi a rabuna la mu bina xaves.

Luuk 9:60

Na Yesus a xuuse, “Nari aava ri maat lana namkaian siri, ri taa xaafan su' a mamaat. E nano, no fe kuusan fasavat a fatataganan sina Piran.”

A Lagasai Roxo Na Jon A Xaleie 3:2

a savat si Yesus la vung e kuus malaan, “Mataa ina Fepitaa, maam texaas o no fo filimaan xe nabe' ti la bina sina Piran xena vil a faisok ina fepitaian. Maam lamon malaan senaso a mataa sang mon pife fexaxaas sena vil a maana mo fa'ipul malaan sema, tamo Piran pife waan xuvul pana.”

Faisok 10:25

Na Pita a laak lana matana lifu e na Kornilius a piit turung e bukaak la nona pana suaian.

Faisok 28:31

Nane ferawai pana fatataganan sina Piran e a fepitaa pana Memai Yesus Krais. Nane ferawai pana gutan e pi ta mataa a kuus votane.

Faisok 4:2

Nari, ri marala senaso a rovaat naang re taxa lo fapiti a mu rabuna pa Yesus e to fa'ulaian ti la maatan sina. E vaxa re xuus a malila o a mu rabuna taa to fa'ulaa lamina maatan siri senaso na Yesus a to fa'ulaa.