Matiu 10:2 - A Turoxoian Fa'ui Sina Piran

² A isina mu yaamut sangafilu saxa pana taragua aave a malaan: paamua, na Saimon aava ri xalie pa Pita xuvul pa tina, na Endru e na Jems xuvul pa tina, na Jon aava re ro lak si Sebedi.

Kara

² A isina mu yaamut sangafilu saxa pana taragua aave a malaan: paamua, na Saimon aava ri xalie pa Pita xuvul pa tina, na Endru e na Jems xuvul pa tina, na Jon aava re ro lak si Sebedi.

Matiu 10:2 Iomraidhean Croise

Matiu 17:1

A yaan pisaxa lumui na Yesus a xel patak na Pita e ro fetinan Jems nare Jon e a paamuian narutul xe laa'ui paaliu la put e ri waan nari sang mon.

Matiu 20:20

E lana yaan aave a tefin si Sebedi a filimaan xe si Yesus xuvul pana ro lak tomexaan sina. Nane bukaak la nona rao i taa fine pana saxa mo.

Matiu 26:37

Nane xel faxuvul na Pita e a ro lak tomexaan si Sebedi e ri falet patak famodak e nane mimilisaat falet e maasak faagut lana xunus ina.

Matiu 4:18

La fena sangasan sina la vangana Laman Galili nane xalum a ro fetinan, na Saimon aava ri xalie pa Pita nare Endru. Re taxa tapin fasivi a vana sire la taas senaso re fuuna faadinan.

Matiu 4:21

A falet famodak fulaa e xalum a xasa rofetinan fulaa, na Jems nare Jon xuvul pa tamare, na Sebedi. Rutul taxa waan xuluna xaati e rutul taxa faigotan a vana sirutul. E na Yesus a xel nare.

Maak 1:29

Lumui na Yesus e mu fefeng sina, ri savat xe lamalei e ri fe paan xe la lifu si Saimon narie Endru. Na Jems e na Jon, re falet xuvul pari sait.

Maak 13:3

E lumui lamina, layaan nane taxa nai kaalum fasivi xe la matana tang lifu lotu ti pe xuluna Put Olif, a matafetuaan, na Pita narie Endru e na Jems narie Jon, ri savat sina e ri fine malaan,

Maak 6:30

E a mu yaamut aava na Yesus a feng nari taragua pa taragua, ri maa savat fa'ulaa si Yesus e ri kuusan a maana mo ri fo vile e a maana mo ri fo fepitaa pana.

Luuk 11:49

Mi fo vil malaane e a Piran, lana texaasan sina, a kuus, ‘Ne taa feng a mu rabuna ina kuus fatuxai e mu yaamut xe siri. Ri taa punuk a saxanofuna e saxanofuna ri taa vil pengan nari.’

Luuk 22:14

A yaan fatak xo a savat e na Yesus a nai la vepen sina la ivin xuvul pana mu yaamut.

Luuk 22:8

E na Yesus a feng na Pita nare Jon pana fefasaian aanabe', “Falet e fe faigotan a fenamo ina Paaliuan talo taara fexaxaas sena fangan.”

Luuk 5:10

Na Jems e na tina Jon, a ro lak si Sebedi aava re faisok xuvul pa Saimon, nare vaxa re ipul. E na Yesus a xuus na Saimon, “Muta mataut. Ti la yaan aanabe' no taa pataas a rabuna.”

Luuk 9:10

Layaan a mu yaamut ri fo ulaa, ri kuusan a maana faisok siri xe si Yesus. E nane lisan nari xe la bina Betsaida xena fangaafus.

A Lagasai Roxo Na Jon A Xaleie 12:22

Na Filip fe xuus na Endru e na Endru narie Filip re fe xuus na Yesus.

A Lagasai Roxo Na Jon A Xaleie 13:23

E saxa yaamut sina, a saxa aava na Yesus a vubuxan marasaxaine, taxa nai la xasing i Yesus.

A Lagasai Roxo Na Jon A Xaleie 20:2

E voxo nane fala fataapus xe si Saimon Pita narie na xasa yaamut aava na Yesus a vubuxan xasingite e fe xuus nare, “Ri fo siak tapin a Memai ti lana mamaat e maam pife texaas o ri timine faa.”

A Lagasai Roxo Na Jon A Xaleie 21:2

Na Saimon Pita, Tomas (aava ri xalie pa Didimas o tauna lua), Nataaniel ti Kena pe Galili, a ro lak si Sebedi e xasaro fefeng ri taxa waan faxuvul.

A Lagasai Roxo Na Jon A Xaleie 21:20

Na Saimon Pita a gilim e xalum a fefeng aava na Yesus a vubuxan xasingite, i taxa usi nare. Nane ve, a saxa aava femati la xasing i Yesus la yaan ina fanganan fataxapiak e fine, “Memai, nase' ta mataa i taa pet lisan nano?”

A Lagasai Roxo Na Jon A Xaleie 21:24

A fefeng naang ve nabe' fo kuus xakaavang pana maana mo aanabe' e fo xaleie. E maam texaas o a kuus xakaavangan sina a tuuna.

A Lagasai Roxo Na Jon A Xaleie 6:67

E na Yesus a fin nari mu yaamut sangafilu saxa pana taragua, “Nami vaxa, mi buk paan patak?”

A Lagasai Roxo Na Jon A Xaleie 6:70

E na Yesus a suie, “Ne fo siak fati nami bo, nami Sangafilu Saxa pana Taragua? Taasaxa saxa la palou imi ve si Setan.”

A Lagasai Roxo Na Jon A Xaleie 6:71

Nane taxa ferawai se Judas, na natu Simon Iskeriot senaso nane a saxa sina mu Sangafilu Saxa pana Taragua e nane ve i taa pet lisan na Yesus.

A Lagasai Roxo Na Jon A Xaleie 6:8

Taasaxa saxa fefeng, na Endru, na ti Saimon Pita, a kuus,

Faisok 1:13

Layaan ri maa savat pe Jerusalem ri paan fatak xe la nobina laa'ui lana lifu aava ri fuuna nai fangaafus lana. Pave, a mu yaamut; na Pita nari Jon, Jems, Endru, Filip, Tomas, Baatalamiu, Matiu, xasa Jems aava lak si Elfias, Saimon aava vubuk o a mu memai siri xa ri taa paamuian nari e na Juut a lak sina saxa Jems, ri waan pave.

Faisok 1:26

Ri xalei a isin xuluna faat saxa saxa. Ri tapin a ro faat e a faat pana isi Matias a savat paamua. E voxo, na Matias a waan xuvul pana mu yaamut.

Faisok 12:2

Nane patal a putu Jems, na ti Jon

Faisok 3:1

Saxa yaan faasilak leaaf, la 3 oklok, na Pita nare Jon re taxa laak xe lana tang lifu lotu xena fenung xe sina Piran.

1 Korin 15:7

E mui a savat si Jems e lamina xe sina mu yaamut xapiak.

Efasis 4:11

E nane xa a tavai a saxanofuna pana faisok ina yaamut e saxanofuna pana faisok ina kuus fatuxai e saxanofuna fulaa pana faisok ina xelaana rabuna xena namkai e saxanofuna fulaa laa pana faisok ina fepitaa e faxatangaana rabuna sina Piran.

Hibru 3:1

Mu fetinan siak lana pabung si Krais, nami vaxa a Piran ti la xunavata fo xel nami xe sina: mi taa lamon faagut se Yesus, nane aava Piran fo fenge xena vil a faisok ina yaamut e memai priis lapaana namkaian aava taara kuus turoxo pana.

1 Pita 1:1

Nenia na Pita, ne saxa yaamut si Yesus Krais. Ne taxa kala xe simi mu rabuna aava Piran fo siak fati nami; nami aava mi taxa taagul sasaxayai malaan sena mu topen nabe' la xavala la maana mu bina pe Pontus, Galesia, Kapadosia, Esia e pe maa Bitinia.

2 Pita 1:1

Nenia, na Saimon Pita aava saxa sisiak e yaamut si Yesus Krais, ne taxa lisan a lagasai aanabe' xe simi aava mi taxa waan lapaana vilaana fatak si Yesus Krais, a Piran aava mataa ina fakaxupaan netaara xapiak, nami aava mi fo siak a namkaian molava fexaxaas malaan semaam.

2 Jon 1:1

Nenia, ne matalava e ne kala xe siim, tefin aava Piran fo siak fati nano e mu rafulak siim. Nenia, ne vubuxan xasingit nami xapiak lana vilaana ina tuunayan. E pife nenia sang mon, a maana mu rabuna aava ri texaas sena vilaana ina tuunayan, nari sait ri vubuxan xasingit nami.

3 Jon 1:1

Nenia, ne matalava e ne kala xe siim, Gaius, ka fesing aava ne vubuxan xasingit tuunei nano.

Kuusan Fasavatan 1:1

A Piran a tavai na Yesus Krais pana lagasai aanabe' xena kuusan fasavataana xe sina mu sisiak sina. Na Yesus a vubuk o a mu rabuna sina ri taa texaas sena mu vilaana aava ri taa savat lumui. E voxo nane feng a saxa angelo sina xena fapiti na Jon pana.

Kuusan Fasavatan 1:9

Nenia na Jon, ne timi lana fatataganan si Yesus senaso taara waan faxuvul lana faisok sina. E taara tigina fatateak lapaana lagafan aava mu rabuna saat ri tavai netaara pana. Nenia, ne fo kuusan a Lagasai Roxo sina Piran e ne fo xuus famatavas a mu rabuna pana lagasai se Yesus. E voxo a mu matalava ri feng tapinau xe la xurunusa Paatmos.

Kuusan Fasavatan 18:20

E a ling ti la xunavata a kuus fulaa, ‘Faamamaas sena, nami lana xunavata! Nami mu rabuna mi namkai, nami mu yaamut e nami mu fefeng sina Piran, mi faamamaas. Senaso a Piran a lamon fa'uli a maana vilaana saat aava tefin aanabe' fo vile xe simi e nane fo tiise.’

Kuusan Fasavatan 22:8

Nenia Jon, ne fo langai e ne xalum a maana mo aanabe'. E layaan ne langaie e ne xalume, ne poxo bukaak la kana angelo aava faxalitau pana, rao ne nanguse.