Maak 9:7 - A Turoxoian Fa'ui Sina Piran

⁷ E mui a vata a savat xuluri e a ling a ferawai ti lana vata, a kuus malaan, “Nabe' ve a Lak Siak! Mi taa langai sina.”

Kara

⁷ E mui a vata a savat xuluri e a ling a ferawai ti lana vata, a kuus malaan, “Nabe' ve a Lak Siak! Mi taa langai sina.”

Maak 9:7 Iomraidhean Croise

Matiu 27:43

Nane namkai o a Piran i taa xavange e a kuus o nane ve a Natuna Piran. Tamo Piran a vubuk rao i taa fakaxupe naak i taa vile naboxo.”

Matiu 27:54

Layaan a paamua sina rabuna ina rawen e mu rabuna ina rawen aava ri waan xuvul pana xena faxatang na Yesus ri xalum a mara'ulia e xasano mo aava savat, ri mataut faagut e ri kuus, “Tuuna paaliu, nane ve a Natuna Piran.”

Matiu 3:17

E a ling ti laa'ui la xunavata a kuus, “Nane na natuk, ne vubuxan xasingite, nane fafaamamaasau.”

Maak 1:11

E saxa ling aava savat ti pe laa'ui lana vata a kuus malaan: “Nano, no natuk, ne vubuxan xasingit nano, a xunus iga a roxoian nano!”

Maak 9:6

Nane xukulai malaan senaso rutul mataut paaliu e rutul pife texaas o rutul taa kuus panaso.

Maak 9:8

E rutul kaalum xolai e piau ta saxa mataa fulaa taxa waan. Na Yesus sang mon taxa tigina.

Luuk 3:22

e a Vovau Xaradak a sivimaan xuluna lana vipin ina vaalus. E a ling a ferawai ti laa'ui la xunavata, “Nano, no natuk, ne vubuxan xasingit nano e a xunus iga a roxoian nano.”

A Lagasai Roxo Na Jon A Xaleie 1:34

Ne fo xalum a fakalimaanan aanabe' e ne kuus faagut o nane ve a Natuna Piran.”

A Lagasai Roxo Na Jon A Xaleie 1:49

Na Nataaniel a suie, “Mataa ina Fepitaa, nano, no Natuna Piran; nano, no Piran King sina mu Israel.”

A Lagasai Roxo Na Jon A Xaleie 12:28

Tamaang, siak fati a isaam!” E a ling a savat ti laa'ui la xunavata e a kuus, “Ne fo siak fati a isaak paamua e ne taa siak fati fulane.”

A Lagasai Roxo Na Jon A Xaleie 19:7

A mu Juda ri xuuse, “Maam toxan a vuputkai e lapaana vuputkai aanabe' maam taa punuxe senaso nane kuus o nane a Natuna Piran.”

A Lagasai Roxo Na Jon A Xaleie 20:31

Taasaxa maana mo aava ri waan lana xakalayan aanabe' ne xaleie talo mi taa namkai o na Yesus a Mataa Failai (na Messia) e a Natuna Piran. E layaan mi taa namkai sena mi taa siak a toyan sina lapaana gutan ina isina.

A Lagasai Roxo Na Jon A Xaleie 5:18

E voxo nari mu matalava Juda ri faagut paaliu pana punuk na Yesus senaso ri lamon o i taxa kawaasan a Yaan ina Fangaafusan e fulaa ri baian nane kuus o a Piran ve na Tamana. Layaan nane kuus malaan ri texaas o nane kuus o nane e a Piran, re fexaxaas.

A Lagasai Roxo Na Jon A Xaleie 5:37

E na Tamaang aava fo fengau, nane vaxa fo kuusanau. Mi pi lalangai a ling ina e mi pi xaxalum a vipin ina.

A Lagasai Roxo Na Jon A Xaleie 6:69

e maam fo namkai e masam tuuna o nano, no Saxa Mataa Taap sina Piran.”

A Lagasai Roxo Na Jon A Xaleie 9:35

Na Yesus a langai o nari, ri fo ti votan a mataa aave e layaan nane tingine, a fine, “Nano, no namkai sena Natuna Mataa?”

Faisok 1:9

Lamina ferawaian aanabe' a Piran a xel falak na Yesus xe laa'ui. Layaan a mu rabuna ri taxa saraak xena xalumaana laaxan sina xe laa'ui, a vata a sivimaan e maa xafute xaseri.

Faisok 7:37

“Na Moses naang a xuus a mu Israel, ‘A Memai, a Piran simi, i taa feng fasavat a saxa mataa ina kuus fatuxai ti la palou imi malaan se' nane fo fengau. E i taa fenge xe simi.’

Faisok 8:36

Layaan re taxa faxa'usi et a salan, re savat la xasing ina raarum e a mataa Itiopia a kuus, “Kaalum, a raarum. Xenaso ne taa pife fasufan xo?”

A Si Pol Lagasai Xe Sina Mu Rom 1:4

Nane taagul nabe' la xavala e a Vovau Xaradak a faxaalit pana gutan o nane ve a Natuna Piran layaan a fatatoi fa'ulie ti la mamaat: nane ve na Yesus Krais aava Memai sitaara.

Hibru 2:1

A mo aanabe' a mo tuuna e voxo taara taa tao fatateak a maana ferawaian tuuna aava taara fo langaie talo taara taa pife kais patak sena namkaian sitaara.

2 Pita 1:17

E vaxa a Piran aava na Tamana, a tavaie pana isin lava e miridingan layaan a ling vipirigaan ina miridingan magaaf ti la xunavata a kuus: “Nabe' na Natuk aava ne vubuxan xasingite senaso nane fuuna fananam vulanau.” Matiu 17:5; Maak 9:7; Luuk 9:35.

1 Jon 5:20

E taara texaas o a Natuna Piran fo savat e fo tavai netaara pana masaman talo taara taa taraxali a Piran tuuna. E taara taxa lo taagul xuvul pana e pa Natuna, na Yesus Krais. Nane ve a Piran tuuna e Toyan vulai, vulai.

Kuusan Fasavatan 1:7

“Kaalum! Nane taxa filimaan xuluna vata e maana mu rabuna xapiak ri taa xalume. E nari aava ri fo xie sait, ri taa xalume. A maana mu rabuna ti la maana pok bina xapiak, nari xapiak ri taa xalume e ri taa muluxe.” Sekaraia 12:10. A malaan. Pevoxo!