Maak 9:32 - A Turoxoian Fa'ui Sina Piran

³² A mu fefeng ri vungut sena fufuna ferawaian sina taasaxa ri mataut sena fine pana.

Kara

³² A mu fefeng ri vungut sena fufuna ferawaian sina taasaxa ri mataut sena fine pana.

Maak 9:32 Iomraidhean Croise

Maak 16:14

E muibak nane savat xe sina mu yaamut layaan ri taxa mati fafangan e fe gil nari sena vungutan siri e sena lamonan vaang siri. Senaso ri pife langai faroxoi a kuusan sina fesing siri e ri pife lamon faroxo pana ferawaian sina.

Maak 7:18

E nane xuus nari, “Nami sait, mi vungut sena malasuf ina ferawaian aanabe'? Nami, mi pife masam o a mo aava i taa laak la valana mataa, tamo i taa ngane, a pife fexaxaas sena vil falalosaat a mataa.

Maak 8:33

Taasaxa na Yesus a ti tapuk e xalum a xasano fefeng sina e baras na Pita malaan, “Setan, no paan patak. Pita, a xunus ima pife usi a vilaana sina Piran. A lalamonan siim a malaan sena mataa palau mon!”

Maak 9:10

E voxo rutul usi a vubuxanan sina taasaxa la palou irutul, rutul taxa lo ferawai pana malasuf ina ʻto fa'ulaa ti la maatanʼ.

Luuk 18:34

A mu fefeng aave ri pife masam pana ferawaian aanabe' senaso a malasuf ina a funan xaseri e a lamonan siri a sotuk.

Luuk 2:50

Taasaxa re pife masam sena fufuna ferawaian sina.

Luuk 24:45

E mui nane ferawai fatalakas a lamonan siri talo ri taa masam faroxo pana Ferawaian sina Piran.

Luuk 9:45

Taasaxa mu fefeng ri pife masam sena malasuf ina ferawaian sina senaso a funan seri talo ri pife fexaxaas sena lamon texaasane. E ri mataut sena fin fulane.

A Lagasai Roxo Na Jon A Xaleie 12:16

A mu fefeng sina ri pife masam sena vilaana aanabe' paamua, taasaxa lamina yaan na Yesus fo siak a miridingan sina, ri lamon fa'uli a xakalayan sina mu Juda aava kuusan fasavat a mo aanabe' se Yesus. E fulaa ri lamon fa'ulie o a mu rabuna pave, ri fo vil a maana mo lana kuus fatuxaian pa Yesus.

A Lagasai Roxo Na Jon A Xaleie 16:19

Na Yesus a texaas o ri buk fine pana e a xuus nari, “A so ta mo mi taxa fefiaiane la palou imi? Sena ferawaian siak: ‘Famodak mon e mi taa pife xalumau e famodak fulaa mi taa xalum fulanau?’

A Lagasai Roxo Na Jon A Xaleie 4:27

E monabe' mon a mu fefeng si Yesus ri savat e ri maa ipulane taxa irimai xuvul pana tefin, taasaxa piau ta saxa a fine o “A so to mo no vubuxane?” o “Xenaso no irimai xuvul pana?”