Maak 9:25 - A Turoxoian Fa'ui Sina Piran

²⁵ Na Yesus a xalum a malila ri taxa faxuvul fataapus maan e nane baras a vovau saat aava vao a lak aave, a kuus malaan, “Nano, no vovau po e vaang, ne xuus nano, no ta'ulan a lak aanabe' e muneta vawe fulaa.”

Kara

²⁵ Na Yesus a xalum a malila ri taxa faxuvul fataapus maan e nane baras a vovau saat aava vao a lak aave, a kuus malaan, “Nano, no vovau po e vaang, ne xuus nano, no ta'ulan a lak aanabe' e muneta vawe fulaa.”

Maak 9:25 Iomraidhean Croise

Matiu 12:22

E bak saxano rabuna ri lisan a mataa xe si Yesus. A mataa aave a piif e po senaso a masalai fo vawe. Na Yesus a vil faroxoie e nane fexaxaas sena kaalum e ferawai fulaa.

Matiu 17:18

Na Yesus a baras a vovau saat e a vovau saat aave ta'ulan a lak aave e monabe' mon nane roxo fulaa.

Maak 9:15

Layaan a malila aave ri xalum na Yesus ri ipul marasaxa e ri fala fataapus xe sina xena fasusuie.

Maak 9:24

E tamana lak a xukulai faagut e kuus malaan, “A namkaian siak i taa tateak tamo no taa xavangau.”

Maak 9:26

E a vovau saat a xukulai faagut e vil faradakui faagutan a lak e a ta'ulane. E a lak xo, a mati malaan sena fo maat. E a rabuna xaves ri kuus o fo maat xo.

Luuk 11:14

Na Yesus taxa gei tapin a masalai aava pife fexaxaas sena ferawai. Layaan a masalai aave a ta'ulai, a mataa aava tamu po moxo a ferawai e a malila ri ipul faagut.

Luuk 4:35

Na Yesus a sui faagutane, “Kasam! Ta'ulane!” E a vovau saat moxo a tapin fasivi a mataa aave la matari e a ta'ulane taasaxa pife fasope.

Luuk 4:41

E vaxa, a mu vovau saat ri ta'ulan a maana rabuna xaves. Ri ta'ulan nari e ri xukulai faagut malaan, “Nano, no Lak sina Piran.” Taasaxa nane baras nari talo ri taa pife ferawai senaso ri texaas o nane ve a Mataa Failai sina Piran.

Luuk 8:29

A ferawai malaan senaso na Yesus a xuus faagutan a mu vovau saat rao ri taa ta'ulan a mataa aave e ri savat lamalei. A maana yaan xaves a vovau saat a yote naapalaan a mu rabuna ri fo bugut a mana e kana pana ʻseinʼ e ri faxatange. Taasaxa layaan a mu vovau saat aave ri fagute nane fuuna piit a ʻseinʼ sina e mu vovau saat aave ri xupe xe pe la bina vingil.

Luuk 9:42

E layaan a lak aave taxa filimaan, a vovau saat a tapin fasivie xe lapia pana radakuian. Taasaxa na Yesus a baras a vovau saat aave e a vil faroxoi a lak e lisan fa'ulie xe si tamana.

Faisok 16:18

Nane vil malaane pana maana yaan xaves e voxo na Pol a marala e a tapuk xe sina e xuus faagutan a vovau saat aave, “Lana isi Yesus Krais ne fasei nano, ta'ulan a tefin aanabe'.” E fataapus a vovau aave a ta'ulane.

Juut 1:9

Taasaxa, na Maikel aava angelo lava paaliu, layaan nane fetok xuvul pa Setan sena vipin si Moses, nane pife fexaxaas sena tisui a matalava saat; nane kuus mon, “A Piran xa, i taa baras nano.”