Maak 9:21 - A Turoxoian Fa'ui Sina Piran

²¹ E na Yesus a fin na tamana, “A mariaas talavisan a mo aanabe' taxa lo savat?” E tamana lak a sui a fiaian sina, “A savat la modaxan sina xa.

Kara

²¹ E na Yesus a fin na tamana, “A mariaas talavisan a mo aanabe' taxa lo savat?” E tamana lak a sui a fiaian sina, “A savat la modaxan sina xa.

Maak 9:21 Iomraidhean Croise

Maak 5:25

A saxa tefin la palou ina malila aanabe', nane a xaxalum a fulun vulai la maana yaan. Nane fo toxan a giisan aanabe' pana mariaas sangafilu saxa pana taragua.

Maak 9:20

E ri lisan a lak xe sina e layaan nane xalum na Yesus nane poxo marasaxa xe lapia e radakui faagut e sapul xolai e a vuvusen a savat ti la valana.

Maak 9:22

Faaxaves fo tapin falaxe xe lana fata e xe lana raarum xena punuxe. Tamo no fexaxaas sena xavang nemaam lavaxa, muluk nemaam e no xavang nemaam monaboxo.”

Luuk 13:16

Lavaxa, a tefin aanabe' ve a lak tefin si Abrahem aava na Setan fo bugute pana mariaas sangafilu saxa pana pisiktul. E nami, mi lamon o pife roxo nane vaxa taa mulusan xasena mo aava fo bugutmaane la Yaan ina Fangaafusan, bo?”

Luuk 8:43

E la palou iri a toxan a saxa tefin aava toxan a lagafan pana ragei lava pana mariaas sangafilu saxa pana taragua e pi ta mataa a fexaxaas sena vil faroxoie.

A Lagasai Roxo Na Jon A Xaleie 9:1

Na Yesus e mu fefeng sina ri taxa sangaset e nane xalum a saxa mataa matana piif ti la yaan ina luluuxan.

Faisok 14:8

Lavaxa, pe Listra a toxan a mataa kana maalapen. Nane a malaanabe' ti lana modaxan sina e pi sasangas.

Faisok 3:2

Pave la matana vaabat lava ina tang lifu lotu aava ri xalie pana Yalaxau Magaaf, a toxan a maalapen. Nane toxane ti la modaxan sina e la maana yaan xapiak saxanu tuvaat ri fuuna yaase xe la Yalaxau Magaaf aave e faneie pave xena nung faat sina rabuna aava ri taxa laak xena naangus.

Faisok 4:22

senaso a mataa tamu maalapen a toxane pana mariaas sangafilu talafaat.

Faisok 9:33

Pave, nane xalum a saxa mataa, a isina na Eneas. Nane ve a maalapen aava mati la vem sina pana mariaas pisiktul.