Maak 8:2 - A Turoxoian Fa'ui Sina Piran

² “Ne muluk a malila aanabe' senaso ri fo waan xuvul paga pana yaan talatul e naboxo ri piau ta fanganan.

Kara

² “Ne muluk a malila aanabe' senaso ri fo waan xuvul paga pana yaan talatul e naboxo ri piau ta fanganan.

Maak 8:2 Iomraidhean Croise

Matiu 14:14

Layaan na Yesus a du ti xuluna xaati, nane xalum a malila molava e a muluk faagutan nari e a vil faroxoi nari aava ri giis.

Matiu 20:34

Na Yesus a muluk nare e tao a matare e monabe' mon re kaalum fulaa e re usie.

Matiu 9:36

Layaan a xalum a malila, a muluk nari senaso ri lamon faaxaves sena maana mo e ri piau ta saxa xena xavang nari. Ri malaan sena mu sipsip aava ri piau ta mataa xena faxatang nari.

Maak 1:41

Na Yesus xo muluk nane e tao a tana e xuuse, “Aang, ne vubuxane, naboxo a giisan siim a taxapus.”

Maak 5:19

Taasaxa na Yesus a pife kuus turoxo pana, a xuuse, “No paan saa xe la lifu siim e xe sina mu fesing siim. E no xuus nari pana maana mo a Memai fo vile sema e malaafaa a muluk nano.”

Maak 6:32

E voxo nari xapiak, ri xawas xuluna xaati e ri falet xe la xasa bina xobingil.

Maak 6:34

Layaan na Yesus a ung nane xalum a tang malila aanabe' e a vilauna a muluk nari senaso ri piau ta mataa xena paamuianaan nari. Ri taxa milung malaan sena sipsip aava piau ta mataa xena faxatangaan nari. E voxo nane fapiti nari fulaa pana maana mo xaves.

Maak 8:3

Tamo ne taa feng fa'uli nari xe la mu lifu siri ri taa giis pana lagaian senaso saxano rabuna ri filimaan ti lasuun paaliu.”

Maak 9:22

Faaxaves fo tapin falaxe xe lana fata e xe lana raarum xena punuxe. Tamo no fexaxaas sena xavang nemaam lavaxa, muluk nemaam e no xavang nemaam monaboxo.”

Luuk 15:20

“Lavaxa, layaan i taxa filimaan lasuun lunai na Tamana fo xalume e a vilauna sei soxote e a muluxe. E nane fala xe sina e feyot fatateaxe e nguse.

Luuk 7:13

Layaan a Memai a xalume, nane muluxe e a kuus, “Muta taangiis.”

Hibru 2:17

A malasuf ina a malaan: nane waan fexaxaas paaliu malaan sena mu fetinan lana taagulan xapiak siri e voxo i taa usi fatak a Piran e i taa bas pana mamaaluxan talo i taa savat memai priis siri. Pana vilaana aanabe' i taa vil a faisok sina Piran talo Piran i taa pife marala e i taa lamon tapin a vilaana saat sina mu rabuna.

Hibru 4:15

A Memai Priis sitaara pife saxa aava pife fexaxaas sena taraxali e muluk a maana murupaxan sitaara, piau! Taasaxa taara toxan a Memai Priis lava aava fo siak a valaman e tafangan fexaxaas fatak setaara, taasaxa nane pife faasaal pana saxa mo.

Hibru 5:2

A memai priis aave a marupak malaan sena mu rabuna xapiak e voxo nane fexaxaas sena vil a vilaana mam xe sina mu rabuna aava ri vungut e ri milung sena vilaana roxo.