Maak 6:2 - A Turoxoian Fa'ui Sina Piran

² Layaan a Yaan ina Fangaafusan a savat, nane laak lana lifu ina faxuvulan e i taxa fapiti a mu rabuna pave e ri ipul sena e ri kuus, “A siak a texaasan sina ti faa? A so ta masaman nabe'? Nane nase' e a toxan a gutan molava xena vilaana maana mo fa'ipul malaan?

Kara

² Layaan a Yaan ina Fangaafusan a savat, nane laak lana lifu ina faxuvulan e i taxa fapiti a mu rabuna pave e ri ipul sena e ri kuus, “A siak a texaasan sina ti faa? A so ta masaman nabe'? Nane nase' e a toxan a gutan molava xena vilaana maana mo fa'ipul malaan?

Maak 6:2 Iomraidhean Croise

Matiu 4:23

Na Yesus a falet xolai pe Galili e nane fepitaa la maana lifu ina faxuvulan siri e kuusan fasavat a Lagasai Roxo sena fatataganan sina Piran. E a maana buk giisan aava fo sip a rabuna, nane vil faroxoie.

Matiu 7:28

Layaan na Yesus fo fataxapin a ferawaian aanabe' a malila ri ipulan a fepitaian sina.

Maak 1:39

Nane falet xe la maana mu bina pe Galili e a ferawai lana mu lifu ina faxuvulan e gei tapin a mu vovau saat la tana rabuna.

Maak 10:1

E na Yesus a tamasiak pe Kapanam e fe paan xe pul Judia, e mui ri sivi xe paa la Raarum Jordan. E a malila ri maa savat fulaa sina pave e nane fapiti fulan nari.

Luuk 2:47

Nari aava ri taxa langaie ri ipul faagut paaliu pana masaman e susuaa sina.

Luuk 4:15

Nane fepitaa lana lifu ina faxuvulan sina mu Juda e a mu rabuna xapiak ri faatulane.

A Lagasai Roxo Na Jon A Xaleie 6:42

E ri kuus, “Nane na Yesus, bo? A lak si Yosep? Na tamana narie ninana, taara texaas sere, bo? Malaafaa nane kuus: ‘Nenia, ne fo sivimaan ti la xunavata?’”

A Lagasai Roxo Na Jon A Xaleie 7:15

A mu matalava Juda ri ipul e ri kuus, “A mataa aanabe', piau taa mataa fe fapitie, bo? E malaafaa nane fo siak a texaasan aapave?”