Maak 5:7 - A Turoxoian Fa'ui Sina Piran

⁷ Nane ferawai faagut malaan, “Yesus, nano, no Natuna Piran Laa'ui! No vubuk vil a so sega? Ne fenung xe siim pana isina Piran, no muta tavaiau pana maasaxan!”

Kara

⁷ Nane ferawai faagut malaan, “Yesus, nano, no Natuna Piran Laa'ui! No vubuk vil a so sega? Ne fenung xe siim pana isina Piran, no muta tavaiau pana maasaxan!”

Maak 5:7 Iomraidhean Croise

Matiu 16:16

Na Saimon Pita a suie, “Nano ve a Mataa Failai, a Natuna Piran aava to vulai.”

Matiu 26:63

Taasaxa na Yesus a waan kasam. E fulaa a memai priis a ferawai xe sina, “Ne fakalimaan nano o no taa kuus tuuna: nano ve no Mataa Failai? No Natuna Piran?”

Matiu 4:3

Na Setan aava saxa xena valamaana, a savat sina e kuus, “Tamo nano ve no Natuna Piran, xuus a mu faat o ri taa savat bret.”

Matiu 8:29

E layaan re xalum na Yesus re xukulai faagut, “Rao no sivin nemaame, Natuna Piran? No fo savat xena fakasanamaan nemaame paamuina yaan fatak ina tiisan, bo?”

Maak 1:24

“Yesus ti Nasaret, no vubuk vil a so semaam? Naak no vubuk vil pengan nemaam! Ne texaas sema, nano, no Mataa Failai sina Piran.”

Maak 14:61

E na Yesus a tigina kasam fatateak. E a memai a fine fulaa, “Nano, no Natuna Piran, a Mataa Failai?”

Maak 3:11

E layaan a mu vovau saat ri xalume, ri turung xe sina e ri xukulai faagut malaan, “Nano ve no Natuna Piran!”

Maak 5:6

Nane xalum na Yesus i taxa sangasmaan lasuun e falapuk e fe bukaak la no Yesus.

Maak 5:8

A ferawai malaan senaso na Yesus a xuuse, “Nano, no vovau saat, no ta'ulan a mataa aanabe'!”

Luuk 1:32

Nane tafe lava e ri taa xalie pana Lak Tomexaan sina Piran pana Isin Molava Paaliu. E a Memai Piran i taa faneie la vena naian lava si buna lava, na Devit.

Luuk 4:34

“Yesus ti Nasaret, no taa vil a so xe simaam? No savat xena kawaasan xapin nemaam, bo? Ne texaas sema, nano, no Mataa Failai sina Piran.”

Luuk 6:35

Taasaxa nami, mi taa vubuxan xasingit a mu xaiyaas simi, vil a faisok roxo xe siri, tavai nari pana mo e muta lamon pana yaan ri taa lisan fa'ulie. Tamo mi taa vil malaane a sepirigus simi i tafe molava e mi taa savat rafulak sina Piran Laa'ui Paaliu, senaso nane vaxa fangasik nari aava ri vil a saat e ri pife kuus faasiroxo.

Luuk 8:28

Layaan a xalum na Yesus, a taangiis falava e bukaak la kana e xukulai faagut, “Rao no sivinau Yesus, Lak Tomexaan sina Piran Laa'ui Paaliu? Ne nung nano o no muta fakasanamau.”

A Lagasai Roxo Na Jon A Xaleie 20:31

Taasaxa maana mo aava ri waan lana xakalayan aanabe' ne xaleie talo mi taa namkai o na Yesus a Mataa Failai (na Messia) e a Natuna Piran. E layaan mi taa namkai sena mi taa siak a toyan sina lapaana gutan ina isina.

Faisok 16:17

A tefin aanabe' a usi nemaam Pol e a xukulai, “A rovaat tomexaan aanabe' re sisiak sina Piran Laa'ui Paaliu. Re taxa xuus nami pana salan ina kaaxupan.”

Faisok 19:13

A toxan a saxano Juda aava ri falet xolai xena gei tapin a mu vovau saat sina rabuna e rao ri tafang tareie lapaana isi Memai Yesus. Ri kuus, “Lana isi Yesus aava na Pol a kuusan fasavate, ne fasei nano o no taa ta'ulane.”

Faisok 8:36

Layaan re taxa faxa'usi et a salan, re savat la xasing ina raarum e a mataa Itiopia a kuus, “Kaalum, a raarum. Xenaso ne taa pife fasufan xo?”

A Si Pol Lagasai Xe Sina Mu Rom 16:20

Lavaxa, faasilak a Piran ina Luaian i taa mimit a gutan si Setan. Na Memai Yesus sitaara i taa tavai nami pana xakaavangan xatam sina.

Hibru 2:14

A rafulak sina Piran ri rabuna tuuna pana meska e ria e voxo na Yesus xa fewaan malaan seri e toxan a meska e ria ina mataa tuuna sait. Nane vil malaane talo pana maatan sina i taa kawaasan xapin a faisok si Setan aava toxan a gutan ina maatan.

Hibru 7:1

Na Melkesadek ve a piran king pe la bina Selam e a priis sina Piran Aava Waan Laa'ui Paaliu. Layaan na Abrahem taxa ulaa ti la rawen aava nane sip fa'onam a mu piran king talafaat lana, na Melkesadek a savat sina e kuus fararoxo xuluna.

Jems 2:19

Nami, mi namkai o a Piran saxa mon taxa waan, bo? A roxo, a namkaian simi a tuuna. A mu vovau saat sait vaxa, ri namkai malaan e ri mataut paaliu!

2 Pita 2:4

Senaso, a Piran a pife nanaula sena timin a fakasanaman xuluna mu angelo aava ri fo faasaal, piau. Nane fo tapin fadui nari xe lana bina ina fakasanaman, pe ʻHelʼ; nane fo pis nari xe lana mu vaa'ul aava suk e ri taa waan vipis lana fefexaxaas sena yaan molava ina tiisaan nari.

1 Jon 3:8

A mataa aava taxa lo bilai fasaat, nane si Setan senaso na Setan taxa lo bilai fasaat ti la tangpat. A Natuna Piran fo savat xena kawaasan xapin a faisok si Setan.

Juut 1:6

E saxano angelo aava ri pife bilai faroxo lana nobina siri taasaxa ri ta'ulane, nane timin nari lana bina aava suk e pis nari pana ʻseinʼ aava waan vulai talo i taa tiis nari layaan a yaan ina tiisan lava sina i taa savat.

Kuusan Fasavatan 12:12

E voxo a xunavata xapiak i taa faamamaas. Nami aava mi waan lana xunavata, faamamaas! Taasaxa nami aava mi waan la xavala o xuluna taas, mi mamaxus senaso na Setan fo sivi xe simi e nane toxan a maraleian molava senaso nane texaas o a mu yaan sina ri pife xaves.”