Maak 4:7 - A Turoxoian Fa'ui Sina Piran

⁷ E xasano kam ina ʻwiitʼ ri poxo lana yeis tuturuk. E a yeis aanabe' a palak e fe xafute e a ʻwiitʼ pife fuaa.

Kara

⁷ E xasano kam ina ‘wiit’ ri poxo lana yeis tuturuk. E a yeis aanabe' a palak e fe xafute e a ‘wiit’ pife fuaa.

Maak 4:7 Iomraidhean Croise

Matiu 13:22

E nari aava ri langai a lagasai aanabe' ri malaan sena mu kam aava ri poxo la palou ina mu yeis tuturuk. Taasaxa ri lamon faaxaves pana maana mo ina toyan siri e ri vubuxan temasaatan a faat e maana mo ri taa maraane e mu vilaana aanabe' ri kawaasan a lagasai aave talo i taa pife fasavat a vilaana roxo.

Matiu 13:7

Saxanofuna fulaa ri poxo la xavala xuvul pana kam ina yeis tuturuk. E mu tuturuk aave ri boak fataapus e a kam ina ʻwiitʼ pife fexaxaas sena fa'oname.

Matiu 13:8

Taasaxa saxano kam ri poxo la xavala roxo e ri fasavat a mu kam xaves: saxanofuna a kam xaves e saxanofuna a kam xaves paaliu.”

Maak 4:6

Taasaxa ngaas a lange e a kam aanabe' pife boak faroxo, a piloxos e femaiyang.

Maak 4:8

Taasaxa xasano kam ina ʻwiitʼ ri poxo lana xavala roxo e ri palak faroxo e ri fuaa. Saxanofuna ri fuaa faroxo, xasanofuna ri toxan a kam xaves e saxanofuna ri toxan a kam xaves paaliu.”

Luuk 12:15

E mui nane xuus nari, “Faxatang faroxo! Muta lamon fati vulan a maana mo mi vubuxane talo mi taa pife naixaam; a toyan tuuna sina mataa pife waan lana maana mo sina.”

Luuk 21:34

“Faxatang faroxo! A pife roxo tamo no taa lalamon faagut sena maana mo ti la xavala malaan sena mu fenamo, numaana raarum tateak e a maana lagafan ina toyan nabe' e a yaan aave i taa savat fa'ipulan nano malaan sena vio aava sangas vaang laak marasaxa lana filung.

Luuk 8:14

A kam aava poxo lana yeis tuturuk a malaan seri aava ri langai e ri usie taasaxa mu mamaxusan, fafanaian e a vubuxanan siri, ri punuk a namkaian e ri pife palak.

Luuk 8:7

Xasano kam ri poxo lana yeis tuturuk aava boak fataapus e fexafut nari e ri pife fuaa.