Maak 14:24 - A Turoxoian Fa'ui Sina Piran

²⁴ E nane xuus nari, “Nabe' ve a ria iga. I taxa kuus turoxo sena ferawaian sina Piran. A ria iga i taa talatiu xana mu rabuna xaves.

Kara

²⁴ E nane xuus nari, “Nabe' ve a ria iga. I taxa kuus turoxo sena ferawaian sina Piran. A ria iga i taa talatiu xana mu rabuna xaves.

Maak 14:24 Iomraidhean Croise

Maak 10:45

senaso a Natuna Mataa pife savat talo a rabuna taa sisiak sina, piau! Nane savat xena xavang a rabuna e xena tavai a malila pana toyan sina. A maatan sina i taa faroxoi a mu rabuna xapiak.”

Maak 14:23

E nane siak a lisa pana wain e fenung pana sait e tavai nari pana. E nari xapiak ri nume.

Maak 14:25

Ne kuus tuuna o ne taa pife num a wain fulaa fefexaxaas ne taa num a wain fa'ui xuvul pami lana fatataganan sina Piran.”

Luuk 22:20

E lamina fanganan, nane tao a lisa ina wain e a kuus, “A lisa ina wain aanabe' a kuus turoxoian fa'ui sina Piran e ne taxa kuus turoxo sena pana ria iga aava i taa talatiu xami.

A Lagasai Roxo Na Jon A Xaleie 6:53

E na Yesus a xuus fulan nari, “Ne taxa xuus tuunei nami, tamo mi pife ngan a meska ina Natuna Mataa e mi pife num a ria ina, mi taa piau ta toyan tuuna.

1 Korin 10:16

E sena lisa aava taara num lana la matafanganai sina Memai, taara kuus faasiroxo xe sina Piran pana e layaan taara num lana, taara taxa femiraaxan a ria i Krais. E sena bret aava taara viaxe, layaan taara ngane taara taxa femiraaxan a vipin si Krais.

1 Korin 11:25

E lamina fanganan a faxa'usi a vilaana aava nane fo vile sena bret e nane siak a lisa e a kuus, “A lisa aanabe' a turoxoian fa'ui aava ria iga a fakalimaane. La so ta yaan mi num lana, vile xena lamon fa'uliau.”