Maak 10:43 - A Turoxoian Fa'ui Sina Piran

⁴³ Taasaxa semi, i taa piau! Nase' rao i taa siak a isin lava la palou imi i taa vil fasivie xe lapia.

Kara

⁴³ Taasaxa semi, i taa piau! Nase' rao i taa siak a isin lava la palou imi i taa vil fasivie xe lapia.

Maak 10:43 Iomraidhean Croise

Maak 10:42

E na Yesus a xel faxuvul nari xapiak e xuus nari, “Mi texaas sena vilaana sina saxano memai sina rabuna, ri pi lalamon sena rabuna siri. E mu matalava sait ri taxa siak fati mon a isiri saxa saxa.

Maak 10:44

E nase' rao i taa tigina paamua semi i taa sisiak simi xapiak

Maak 9:35

E nane nai e xel faxuvul a mu yaamut e xuus nari, “Nase' ta mataa rao i paamua, lavaxa i taa fasivi nane e i tafe savat sisiak sina maana xasano rabuna.”

Luuk 14:11

Nase' ta mataa i taa vil falavai nane xa i taa poxo e femangil. E nase' i taa vil fasivi nane xa i taa fa'isinan pana isin lava.”

Luuk 18:14

“Lavaxa, ne xuus nami o a mataa aanabe' ina siak taakis, nane sang mon a ta'ulan a lifu lotu pana luaian la xunus ina. Senaso nane aava lamon falavai nane xa, a Piran i taa lamon fasivie e nane aava lamon fasivi nane xa, a Piran i taa fatiginei fataxe.”

Luuk 22:26

Taasaxa vilaana aanabe' pife vilaana simi, piau! A matalava simi i taa malaan sena lak e a paamua simi i taa xakaavang malaan sena sisiak.

Luuk 9:48

e xuus nari, “Nase' ta mataa i taa fakas a lak modak aanabe' lana isaak a fakasau e nase' ta mataa a fakasau, a fakas nane aava fengau. Senaso nane aava sisiak xe simi xapiak, nane xo a pelalava.”

A Lagasai Roxo Na Jon A Xaleie 18:36

Na Yesus a xuuse, “A fatataganan siak pife waan nabe' la xavala. Tamo i taxa waan nabe' a mu fefeng siak ri taa fevis xena ti votan a mu Juda sena pisaan nenia. Taasaxa fatataganan siak taxa waan pe lana bina patak.”

A Si Pol Lagasai Xe Sina Mu Rom 12:2

E vaxa, muta usi a vilaana sina rabuna aava ri pife namkai sena Piran. Pana xakaavangan ina Vovau Xaradak, xul fatak a lamonan simi talo ri tafe fa'ui xapiak. Tamo mi usi a salan aanabe' mi taa texaas sena so ta mo a Piran a vubuk rao mi taa vile. E a vubuxanan sina a roxo xasingit e i taa faamamaas layaan mi vile. Mi texaas o a so ta mo i taa xuus nami o mi taa vile, a mo aave a fatak mon.

Galesia 5:13

E nami, mu fetinan, a Piran fo xel famulus nami. Taasaxa muta bilai lapaana tamulusan aave xena fafaamamaas a vubuxanan la tami. Piau, mi taa fexavongan nami.