Maak 1:45 - A Turoxoian Fa'ui Sina Piran

⁴⁵ Taasaxa mataa aave a falet e kuusan fasavat a roxoiaana aava na Yesus fo vile. Pevoxo na Yesus pife fexaxaas sena laak la bina saxa ulaa rabuna ri tamaa fatagule. E voxo nane paan xe pe la xobingil e maana mu rabuna xaves ri taxa falet xe sina pave.”

Kara

⁴⁵ Taasaxa mataa aave a falet e kuusan fasavat a roxoiaana aava na Yesus fo vile. Pevoxo na Yesus pife fexaxaas sena laak la bina saxa ulaa rabuna ri tamaa fatagule. E voxo nane paan xe pe la xobingil e maana mu rabuna xaves ri taxa falet xe sina pave.

Maak 1:45 Iomraidhean Croise

Matiu 28:15

E voxo a mu rabuna ina rawen ri siak a mamareiai aave e ri usi fatak a ferawaian sina mu paamua priis. E a xuuskuus aanabe' fuuna lo falet xolai la palou ina mu Juda fefexaxaas tanin.

Matiu 9:26

A kuusanaana mo aave a falet xolai la mu bina xapiak.

Matiu 9:31

Taasaxa layaan re falet, re fexuus a maana rabuna xaves la maana mu bina xapiak, pana.

Maak 2:13

Na Yesus a sangas ulaa fulaa xe la vangana Laman Galili e a malila ri paan xe sina e nane fapiti nari pana lagasai sina Piran.

Maak 3:20

Layaan na Yesus a ulaamaan xe la lifu siri, a mu rabuna ri savat faxuvul fulaa xe sina. E voxo na Yesus xuvul pana mu fefeng sina ri piau ta yaan xari xena fanganan.

Maak 3:7

Na Yesus xuvul pana mu fefeng sina, ri falet e ri fe nai la vangana raarum e saxano rabuna ti Galili e ti Judia ri usie.

Maak 7:36

Na Yesus a ferawai faagut xe siri xapiak o ri taa muneta xuus fatexaas a mu rabuna pana. Taasaxa la maana yaan nane taxa lo xuus votan nari, ri taxa lo kuusan fasavat a faisok sina.

A Lagasai Roxo Na Jon A Xaleie 6:2

A toxan a tang malila taxa usie senaso ri fo xalum a maana mo fa'ipul aava nane fuuna vile xena vil faroxoi a mu rabuna pana giisan.

Taitus 1:10

Pevoxo, a toxan a maana rabuna xaves la palou imi aava ri gigiran a fepitaian tuuna sina Piran, ri ferawai palau mon e ri bit a rabuna. E nari aava ri waan la parabuna aava ri toxan a vuputuxan, ri pemamosaat paaliu.