Luuk 9:60 - A Turoxoian Fa'ui Sina Piran

⁶⁰ Na Yesus a xuuse, “Nari aava ri maat lana namkaian siri, ri taa xaafan su' a mamaat. E nano, no fe kuusan fasavat a fatataganan sina Piran.”

Kara

⁶⁰ Na Yesus a xuuse, “Nari aava ri maat lana namkaian siri, ri taa xaafan su' a mamaat. E nano, no fe kuusan fasavat a fatataganan sina Piran.”

Luuk 9:60 Iomraidhean Croise

Matiu 4:23

Na Yesus a falet xolai pe Galili e nane fepitaa la maana lifu ina faxuvulan siri e kuusan fasavat a Lagasai Roxo sena fatataganan sina Piran. E a maana buk giisan aava fo sip a rabuna, nane vil faroxoie.

Matiu 8:22

Taasaxa na Yesus a suie, “Usiau e ta'ulan a mu rabuna aava ri fo maat xena xaafan a mamaat siri xa.”

Luuk 15:24

Senaso a lak siak fo maat taasaxa nabe' fo to fa'ulaa, a malit e naboxo fo savat fa'ulaa.’ E ri vil a fenamo molava.

Luuk 15:32

Taasaxa, no taa faamamaas. A vilauma i taa roxo vulai. Na tiam aanabe' va fo maat taasaxa naboxo a to fa'ulaa; fo malit taasaxa naboxo a savat fa'ulaa.’”

1 Korin 9:16

Ne pife fexaxaas sena ferawai falalava sena kuusan fasavataana Lagasai Roxo senaso a Piran a xuus faagutanau o ne taa vile. E ne bai lamon pana lagafan i taa savat siak tamo ne langai pesalai.

Efasis 2:1

Paamuina yaan mi namkai, mi fo maat lana vovau imi sena maana vilaana saat e mu faasaalan simi.

Efasis 2:5

e vil fatatoi netaara xuvul pa Krais. E nane vil malaane layaan taara taxa maat lunai sena mu vilaana saat sitaara. Sena xakaavangan xatam sina, a Piran fo fakaxup netaara.

1 Timoti 5:6

Taasaxa lutefin nakmaal aava ri fuuna usi a nanasam siri e pife kaalum xe sina Piran, ri taxa to lana vipin siri taasaxa ri fo maat xo lana vovau iri.

2 Timoti 4:2

kuusan fasavat vulan a ferawaian sina Piran. La maana yaan xapiak tamo a rabuna ri buk langai o piau, kuusan fasavate; xuus faxaradak nari, baras nari e fagut nari. Fepitaa faroxo pana fangaasixan.

2 Timoti 4:5

Taasaxa nano xo, no lamon fatak la maana yaan xapiak, tigina fatateak lana lagafan, kuusan fasavat a Lagasai Roxo e vil xapin a maana faisok ina ngavuk siim.

Kuusan Fasavatan 3:1

“Xe sina saxa sisiak siak aava taxa paamuian a mu rabuna ina lotu pe Saardis, no taa kala malaan: nane aava toxan a Vovau Pisiguak sina Piran e a tao a vapara pisiguak, a kuus malaan: Ne texaas sena mu vilaana simi. E vaxa, mi toxan a isin o mi taxa to, taasaxa piau. Mi taxa waan malaan se' mi fo maat.