Luuk 9:39 - A Turoxoian Fa'ui Sina Piran

³⁹ A vovau saat a vawe e nane fuuna xukulai fa'ipul; a fuuna tapin fasivie e nane fuuna gaga e a reng fuuna savat ti la valana. I taxa lo waan xuvul pana e i taxa kawaasane.

Kara

³⁹ A vovau saat a vawe e nane fuuna xukulai fa'ipul; a fuuna tapin fasivie e nane fuuna gaga e a reng fuuna savat ti la valana. I taxa lo waan xuvul pana e i taxa kawaasane.

Luuk 9:39 Iomraidhean Croise

Maak 9:18

E saxano yaan a vovau saat i taa tapine xe lapia e a vuvusen fuuna savat ti la valana e a faxakengat a fana e tana tateak saxa. E ne nung a mu fefeng siim o ri taa vil tapin a vovau saat aave taasaxa ri pife fexaxaas.”

Maak 9:20

E ri lisan a lak xe sina e layaan nane xalum na Yesus nane poxo marasaxa xe lapia e radakui faagut e sapul xolai e a vuvusen a savat ti la valana.

Maak 9:26

E a vovau saat a xukulai faagut e vil faradakui faagutan a lak e a ta'ulane. E a lak xo, a mati malaan sena fo maat. E a rabuna xaves ri kuus o fo maat xo.

Luuk 4:35

Na Yesus a sui faagutane, “Kasam! Ta'ulane!” E a vovau saat moxo a tapin fasivi a mataa aave la matari e a ta'ulane taasaxa pife fasope.

Luuk 8:29

A ferawai malaan senaso na Yesus a xuus faagutan a mu vovau saat rao ri taa ta'ulan a mataa aave e ri savat lamalei. A maana yaan xaves a vovau saat a yote naapalaan a mu rabuna ri fo bugut a mana e kana pana ʻseinʼ e ri faxatange. Taasaxa layaan a mu vovau saat aave ri fagute nane fuuna piit a ʻseinʼ sina e mu vovau saat aave ri xupe xe pe la bina vingil.

Luuk 9:38

E saxa mataa la palou iri a kuus falava, “Mataa ina Fepitaa, ne nung nano o no taa xalum a lak tomexaan siak, ne pi ta saxa fulaa, nane sang mon.

Luuk 9:40

Ne nung a mu fefeng siim o ri taa vil tapine taasaxa ri pife fexaxaas.”

A Lagasai Roxo Na Jon A Xaleie 8:44

Mi fo savat ti la bina si tamami, na Setan, e voxo mi vubuk vil a maana mo aava nane xuus nami pana. Paamua paaliu ti la tangpat, nane a mataa ina ngaapunuk. E nane pife fexaxaas sena tigina lana kuus tuunayan senaso a piau paaliu ta tuunayan. Layaan nane taxa kuus bit i taxa ferawai lana pok bina sina senaso nane a mataa vibit e na tamana maana bitan xapiak.

1 Pita 5:8

Para! Faxatang faroxo! A xaiyaas simi, na Setan, i taxa sangas xolai e i taxa vaas faagut malaan sena piu vupung ri xalie pana ʻlaionʼ e i taxa seng ta mataa talo i taa ngane.

Kuusan Fasavatan 9:11

Ri toxan a saxa a fuuna paamuian nari, a saxa vovau fefeng ti lana Tang Vaa'ul. Lana pok bina Hibru ri xalie pa Abaadan e lana pok bina Griik ri xalie pa Epolyon. (A malasuf ina ve a malaan, “Galas xapine”.)