Luuk 9:24 - A Turoxoian Fa'ui Sina Piran

²⁴ Nase' ta mataa a vubuk tao fatateak a toyan sina, a toyan aave i taa malit taasaxa nase' ta mataa i taa ta'ulan a toyan sina xena usiau, i taa fakaxupan.

Kara

²⁴ Nase' ta mataa a vubuk tao fatateak a toyan sina, a toyan aave i taa malit taasaxa nase' ta mataa i taa ta'ulan a toyan sina xena usiau, i taa fakaxupan.

Luuk 9:24 Iomraidhean Croise

Matiu 10:39

Nane aava lalamon vulai xena tao fatateak a toyan sina, i taa pife waan lana toyan tuuna. Taasaxa nane aava lamon fepalauan a toyan sina senaso i taxa namkai sega, i taa siak a toyan tuuna xe vulai.

Luuk 17:33

Nase' ta mataa a vubuk tao fatateak a toyan sina nabe' la xavala, i taa pi ta toyan vulai xe vulai. E nase' ta mataa i taa lamon fepalauan a toyan sina nabe' i taa siak a toyan vulai xe vulai.

A Lagasai Roxo Na Jon A Xaleie 12:25

Ta mataa aava vubuxan temasaatan a toyan sina, i taa pife siak a toyan tuuna; ta mataa aava baian a toyan sina xuluna xavala aanabe', i taa siak a toyan tuuna aava i taa waan xe vulai.

Hibru 11:35

Pana namkaian siri saxanu tefin ri xalum a mu mamaat siri ri to fa'ulaa. Saxano rabuna ri baian a mulus tapinaan nari e voxo ri femaat lapaana maasaxan molava senaso ri texaas o ri taa siak a to fa'ulaian ina toyan roxo xe vulai.

Kuusan Fasavatan 12:11

Nari mu titaara, ri fapoxoie pana ria ina Natuna Sipsip e pana kuusanaana lagasai sina. Ri lamon o a toyan siri pife mo molava e voxo ri pife faatasu sena maatan siri.

Kuusan Fasavatan 2:10

Muta mataut sena tafangan aava i taa savat simi. A tuuna, na Setan i taa yot tapin ta saxanu tuvaat simi xe lana vipis xena tafang nami. Taasaxa, a tafangan aanabe' i taa waan pana yaan sangafilu mon. Tao fatateak a namkaian simi sega fefexaxaas sena maatan simi e mui ne taa tavai nami pana ligilot ina toyan.