Luuk 9:12 - A Turoxoian Fa'ui Sina Piran

¹² La leaaf xo a mu yaamut ri savat sina e ri kuus, “Feng tapin et a maana mu rabuna aanabe' talo ri tafe seng fanganan e ta nobina xena matefan siri la maana nu bina faasilak senaso taara waan nabe' la bina xobingil.”

Kara

¹² La leaaf xo a mu yaamut ri savat sina e ri kuus, “Feng tapin et a maana mu rabuna aanabe' talo ri tafe seng fanganan e ta nobina xena matefan siri la maana nu bina faasilak senaso taara waan nabe' la bina xobingil.”

Luuk 9:12 Iomraidhean Croise

Matiu 14:13

Layaan na Yesus a langai se Jon, nane xawas xuluna xaati e ta'ulan a bina aave e fe paan xe la xobingil. A mu rabuna ri langai pana faletan sina e ri ta'ulan a mu bina siri e ri sangas usie.

Matiu 15:23

Taasaxa na Yesus pife suie. A mu fefeng sina ri maa seie, “Feng tapine! Nane taxa usi netaara e i taxa xukulai faagut temasaat.”

Matiu 15:32

E na Yesus a xel faxuvul a mu fefeng sina e a kuus, “Ne muluk a mu rabuna aanabe' senaso ri fo waan xuvul paga pana yaan talatul e naboxo ri piau ta fanganan. Ne bai feng tapin nari pana ri lagai senaso ri tamaa maat la faletan siri.”

Luuk 9:11

Taasaxa malila ri langai sena e ri usie. Nane fasusui nari e a ferawai xe siri pana fatataganan sina Piran e a vil faroxoi nari aava ri giis.

Luuk 9:13

E nane sui nari, “Mi tavai nari pana fanganan.” E ri suie, “Maam toxan a fomirak bret pama e din taragua mon nabe'. Naak maam taa fe maraan bret xari xapiak, bo?”

A Lagasai Roxo Na Jon A Xaleie 6:1

Lumui na Yesus a laak xuluna xaati e falet xe la xasa paxasing ina Laman Galili; ri xalie pana Raarum Taibirius.

Filipai 1:19

Aang, ne taa lo faamamaas senaso ne texaas o sena fenungan simi xuvul pana xakaavangan sina Vovau i Yesus Krais, a so ta mo a savat siak i taa mulus tapinau sena vipisan.