Luuk 9:1 - A Turoxoian Fa'ui Sina Piran

¹ Layaan na Yesus fo xel faxuvul a mu yaamut sangafilu saxa pana taragua nane tavai nari pana gutan sina e a tateaxan xena gei tapin a mu vovau saat e xena vil faroxoiaana maana rabuna aava ri giis.

Kara

¹ Layaan na Yesus fo xel faxuvul a mu yaamut sangafilu saxa pana taragua nane tavai nari pana gutan sina e a tateaxan xena gei tapin a mu vovau saat e xena vil faroxoiaana maana rabuna aava ri giis.

Luuk 9:1 Iomraidhean Croise

Matiu 16:19

Ne taa tavai nano pana xakap talo a so ta mo no pis votane nabe' la xavala a Piran pe la xunavata, i taa turoxo pana. E a so ta mo no muluse nabe' la xavala a Piran pe la xunavata, i taa turoxo pana vaxa.”

Matiu 4:24

A mu rabuna aave ri xuus fatexaas a xasanofuna pana e mui a mu rabuna xapiak pe Siria ri texaas sena e ri maa lisan a rabuna aava ri giis xe sina: nari pana maana buk giisan e pana maasaxan molava, nari aava vovau saat fo vao nari e nari aava ri gaga e nari aava mari o kari maat. E nane xo a vil faroxoi nari.

Matiu 8:9

Nenia sait, ne waan lapaana tateaxan ina paamua siak e ne toxan a rabuna ina rawen lapaana tateaxan iga. Ne taa xuus a saxa pana ‘Falet!’ e a falet; ne xuus a saxa pana ‘Man’ e a filimaan e ne xuus a saxa yaasok siak pana ‘Vil a mo aanabe'’ e nane vile.”

Luuk 10:1

E mui lamina a Memai a siak fati a sangafilu pisiguak pana taragua fulaa e a feng tapin nari, taragua pa taragua. Ri falet paamuine xe la mu bina aava nane buk laak lana.

Luuk 10:19

Langai, ne fo tavai nami pana gutan xena paasan a mu tiui e pungup e xena fa'onam a gutan xapiak sina mu xaiyaas sitaara, pi ta mo i taa kawaasan nami.

A Lagasai Roxo Na Jon A Xaleie 14:12

A tuuna paaliu ne xuus nami, nane aava taxa namkai sega, nane vaxa a fexaxaas sena vil a mu faisok fa'ipul aava nenia, ne taxa vile. E vaxa naak i taa vil a mo fa'ipul molava seri senaso ne taxa falet xe si Tamataara.

Faisok 1:8

Taasaxa mi taa siak a gutan layaan a Vovau sina i taa savat xulumi. E nami, mi taa ferawai xavang a mu rabuna pe Jerusalem e lana Judia e Sameria e pe la mu bina xapiak la xavala, paga.”

Faisok 3:16

A mataa aanabe' xo, a mataa tamu maalapen aava mi texaas sena, a gutan si Yesus a vil faroxoie. Lana gutan e namkaian se Yesus, a mataa aanabe' i taxa tigina faroxo la matami.

Faisok 4:30

Talangaimaan xe simaam pana gutan xena vil faroxoiaana rabuna e xena vil fasavat a mo fa'ipul e maana fakalimaanan lapaana isin sina Sisiak Xaradak siim, na Yesus.”

Faisok 9:34

Na Pita a xuuse, “Eneas, na Yesus Krais a vil faroxoi nano. Tamasiak e pulum a vem siim.” Fataapus, na Eneas a tamasiak.