Luuk 8:30 - A Turoxoian Fa'ui Sina Piran

³⁰ Na Yesus a fine, “A isaam nase'?” E nane suie, “Aami” senaso maana vovau saat ri fo vawe.

Kara

³⁰ Na Yesus a fine, “A isaam nase'?” E nane suie, “Aami” senaso maana vovau saat ri fo vawe.

Luuk 8:30 Iomraidhean Croise

Matiu 26:53

Ne fexaxaas sena fin na Tamaang pana xakaavangan sina e fataapus paaliu i taa feng a mu pabung sangafilu saxa pana taragua ina angelo ina fevisan xe siak.

Matiu 4:24

A mu rabuna aave ri xuus fatexaas a xasanofuna pana e mui a mu rabuna xapiak pe Siria ri texaas sena e ri maa lisan a rabuna aava ri giis xe sina: nari pana maana buk giisan e pana maasaxan molava, nari aava vovau saat fo vao nari e nari aava ri gaga e nari aava mari o kari maat. E nane xo a vil faroxoi nari.

Matiu 8:29

E layaan re xalum na Yesus re xukulai faagut, “Rao no sivin nemaame, Natuna Piran? No fo savat xena fakasanamaan nemaame paamuina yaan fatak ina tiisan, bo?”

Maak 16:9

[Layaan na Yesus a to fa'ulaa, la yaan mata ina ʻwiikʼ, (la Sande) nane savat paamua si Maria Mekdala aava nane fo gei tapin a mu vovau saat pisiguak xasena.

Maak 5:9

E na Yesus a fin a vovau saat aava vao a mataa aanabe', “A isaam nase'?” E a vovau saat a sui a fiaian sina, “Na Aami, senaso nemaam, ma malila.”

Luuk 8:2

E saxano lutefin vaxa aava nane vil faroxoi nari sena giisan e sena vovau saat aava vao nari, ri doxote: Maria (a xasa isina na Mekdala) aava toxan a mu vovau saat pisiguak e ri fo ta'ulane,

Luuk 8:29

A ferawai malaan senaso na Yesus a xuus faagutan a mu vovau saat rao ri taa ta'ulan a mataa aave e ri savat lamalei. A maana yaan xaves a vovau saat a yote naapalaan a mu rabuna ri fo bugut a mana e kana pana ʻseinʼ e ri faxatange. Taasaxa layaan a mu vovau saat aave ri fagute nane fuuna piit a ʻseinʼ sina e mu vovau saat aave ri xupe xe pe la bina vingil.