Luuk 7:41 - A Turoxoian Fa'ui Sina Piran

⁴¹ E na Yesus a kuus, “A mataa taragua re toxan a faat re siaxe sina saxa mataa ina faasot pana faat. Saxa fo siak a faat fexaxaas sena K2,000 e a xasa siak K200.

Kara

⁴¹ E na Yesus a kuus, “A mataa taragua re toxan a faat re siaxe sina saxa mataa ina faasot pana faat. Saxa fo siak a faat fexaxaas sena K2,000 e a xasa siak K200.

Luuk 7:41 Iomraidhean Croise

Matiu 18:28

“E mui a sisiak naang a xalum a saxa aava sisiak xuvul pana e nane vaxa fo siak palou a fomirak faat modak mon sena sisiak aave. Taasaxa a sisiak naang a tao vingit a kolumana e a kuus, ‘Lisan fa'uli a faat siak aava no fo siak paloue.’

Matiu 6:12

E lamon tapin a maana vilaana saat simaam malaan semaam xo maam fo lamon tapin a mu vilaana saat sina xasanofuna xe simaam.

Maak 6:37

Taasaxa nane sui a mu fefeng sina e kuus, “Nami, mi taa tavai nari pana fanganan.” E ri fine, “Bo? A mataa taa faisok pana fulun pisiktul xena faxuvul a faat fexaxaas sena maraan a bret xari. Taara taa fe tapin a faat malaan xena maraan bret a fexaxaas sena malila aanabe'?”

Luuk 11:4

Lamon tapin a mu vilaana saat simaam senaso nemaam vaxa maam lamon tapin nari aava ri bilai fasaat xasemaam. E no tivotan nemaam sena mu vavalam.”

Luuk 12:48

Taasaxa nane aava pife texaas faroxo sena vubuxanan sina mataa sina e a vil a mo mosaat, a fakasanamaana i taa pife lava, ri taa pife sip faxavesane. Senaso tamo mataa a toxan a texaasan, xasanofuna ri taa lamon o i taa faisok lapaana texaasan aave e i taa pife bilai malaan sena mataa ngong e tamo toxan a ngavuk lava, xasanofuna ri lamon o i taa vil xapin a maana faisok sina e xasliue pana maana faisok fulaa.

Luuk 13:4

Lamon sena rabuna sangafilu saxa pana pisiktul aava ri maat layaan a lifu modus xe laa'ui pe Siloam a poxo punuk nari. Mi lamon o nari, ri vupuno temasaat sena xasanofuna aava ri waan pe Jerusalem, bo?

Luuk 7:40

Na Yesus fo texaas sena lamonan sina e a xuuse, “Saimon, a toxan a mo ne buk xuus nano pana.” E nane suie, “Ferawai saa, Mataa ina Fepitaa.”

Luuk 7:47

E voxo ne xuus nano o a maana vilaana saat sina ri fo lamon tapinan. E a vubuxan xasingitan molava sina a faxalit nami pana. Taasaxa saxa aava fo lamon tapinan pana mo modak mon, a vubuxan xasingitan sina i taa modak mon.”

A Si Pol Lagasai Xe Sina Mu Rom 3:23

senaso a mu rabuna xapiak ri fo vil a saat e ri faasaal sena miridingan ina Piran.

A Si Pol Lagasai Xe Sina Mu Rom 5:20

A Piran a tavai a mu rabuna pana vuputkai sina senaso nane vubuk rao ri taa texaas sena vilaana saat aava ri fuuna lo vile. Taasaxa layaan a mu vilaana saat sina rabuna ri femolava, a xakaavangan xatam sina Piran a pemamolava seri.