Luuk 7:37 - A Turoxoian Fa'ui Sina Piran

³⁷ Pe la bina aave a toxan a saxa tefin aava fo taagul lana vilaana saat. E layaan a langai o na Yesus taxa fangan la lifu aave nane siakmaan a wel aava lasan ina a roxo paaliu e a mamareiai ina vaxa a molava temasaat.

Kara

³⁷ Pe la bina aave a toxan a saxa tefin aava fo taagul lana vilaana saat. E layaan a langai o na Yesus taxa fangan la lifu aave nane siakmaan a wel aava lasan ina a roxo paaliu e a mamareiai ina vaxa a molava temasaat.

Luuk 7:37 Iomraidhean Croise

Matiu 21:31

E na Yesus a fin a mu paamua priis e mu matalava, “Nase' ta lak a usi a vubuxanan si Tamare?” E nari, ri suie, “A lak tuaan.” E na Yesus a kuus xe siri, “Ne xuus tuunei nami o a mu rabuna ina faxuvul a taakis e lutefin ina lisan xolanaan nari, ri taa laak paamuin nami xe la fatataganan sina Piran.

Luuk 18:13

“Taasaxa mataa ina siak taakis a tigina lasuun fadak. Nane tigina pana mangilan e pife kaalum xe laa'ui la xunavata. Nane sip a famarena e a kuus, ‘Piran muluxau, ne mataa saat.’

Luuk 19:7

A mu rabuna xapiak ri xalum a vilaana si Yesus e ri ferawai lilimugai, “Nane fo laak xe lana lifu sina saxa ‘mataa fafasaal’.”

Luuk 5:30

Taasaxa mu Ferasi e mu rabuna ina fepitaa pana vuputkai aava ri taxa waan lapaana mu Ferasi, nari xapiak ri fefinaas xe sina mu fefeng si Yesus e ri kuus, “Xenaso mi taxa fangan e num xuvul pana mu rabuna ina siak taakis e nari aava ri fuuna vil a saat?”

Luuk 5:32

Ne pife savat xena xelaana rabuna roxo, piau. Ne savat xena xelaana rabuna pana vilaana saat talo ri taa puk tapin nari xa xasena vilaana saat siri.”

Luuk 7:34

E a Natuna Mataa maa fangan e num e mi kuus, ‘Nane a mataa ina fangan e num vulai e a fesingan a mu rabuna ina siak taakis e xasanofuna pana vilaana saat.’

Luuk 7:36

A saxa Ferasi xo a fin na Yesus rao i taa fangan xuvul pana e nane falet xe la lifu sina Ferasi aave e fe mati fapet la ivin.

A Lagasai Roxo Na Jon A Xaleie 11:2

Na Maria aave mon ve, mo tiuan a mo musung roxo la ka Yesus e saf fapigalipe pana fui sina e na vasaana, na Lasarus ve, taxa giis.

A Lagasai Roxo Na Jon A Xaleie 9:24

La yaan naang xa, ri xel fulan a mataa aava fo mo piif. E ri xuuse, “Kuus tuuna. Maam texaas o a mataa aave a mataa ina faasaalan.”

A Lagasai Roxo Na Jon A Xaleie 9:31

Taara texaas o a Piran i taa pife langai a mu rabuna saat, taasaxa nase' ta mataa i taa suaian fatak a Piran e i taxa usi a vubuxanan sina, a Piran i taa langai a mataa malaan.

A Si Pol Lagasai Xe Sina Mu Rom 5:8

Taasaxa Piran xo a faxalit netaara pana vubuxan xasingitan sina malaan: layaan taara taxa waan lunai lana vilaana saat sitaara na Krais a maat xena fakaxup netaara.

1 Timoti 1:15

A ferawaian aanabe' a roxo, mi taa langaie: na Krais Yesus maa savat la xavala xena fakaxup a mu rabuna saat. E nenia xo ne saat paaliu sena mu rabuna saat.

1 Timoti 1:9

E vaxa taara texaas o a vuputkai aave pife xena tiis a mataa aava roxo, piau. I taa tiis a mataa aava laxao a vuputkai e langai pesalai e mu tavanat e nari aava ri sarak sena Piran e nari aava ri toxan a lalosaat e bilai fasaat. A vuputkai i taa tiis a mataa aava punuk na ninana o tamana o xasa mataa e vaxa xasanofuna aava ri femilungai pana vilaana ina tamaian e nari aava ri piau ta mangilan malaan sena ro tomexaan aava re fetamaian nare e a rabuna aava ri yot a mataa xena faasot pana. E a vuputkai i taa tafang a rabuna ina bitan e mu rabuna xapiak aava ri pife usi a fepitaian roxo sina Piran.

1 Pita 4:18

Malaan sena Xakalayan ti Kavai a kuus: “Tamo a lagaf xena Piran i taa fakaxup nari mu rabuna roxo, lavaxa so ta mo taa savat sena mu rabuna saat aava ri pife texaas sena Piran?” Ferawai paap 11:31.