Luuk 6:13 - A Turoxoian Fa'ui Sina Piran

¹³ Layaan a bina xo paanen a xel faxuvul a mu fefeng sina e siak fati a sangafilu saxa pana taragua siri e a fa'isin nari pana yaamut sina:

Kara

¹³ Layaan a bina xo paanen a xel faxuvul a mu fefeng sina e siak fati a sangafilu saxa pana taragua siri e a fa'isin nari pana yaamut sina:

Luuk 6:13 Iomraidhean Croise

Matiu 10:2

A isina mu yaamut sangafilu saxa pana taragua aave a malaan: paamua, na Saimon aava ri xalie pa Pita xuvul pa tina, na Endru e na Jems xuvul pa tina, na Jon aava re ro lak si Sebedi.

Matiu 19:28

E na Yesus a xuuse, “A tuuna, lana yaan mui layaan a maana mo xapiak i taa fa'ui, a Natuna Mataa i taa nai lana malang la vepen ina nai piranan sina. E nami aava mi fuuna usiau, mi taa nai la mu vena naian roxo simi xena paamuian a mu pabung sangafilu saxa pana taragua ti Israel.

Matiu 9:36

Layaan a xalum a malila, a muluk nari senaso ri lamon faaxaves sena maana mo e ri piau ta saxa xena xavang nari. Ri malaan sena mu sipsip aava ri piau ta mataa xena faxatang nari.

Maak 6:30

E a mu yaamut aava na Yesus a feng nari taragua pa taragua, ri maa savat fa'ulaa si Yesus e ri kuusan a maana mo ri fo vile e a maana mo ri fo fepitaa pana.

Maak 6:7

E nane xel faxuvul a mu yaamut sangafilu saxa pana taragua e feng nari o ri taa falet taragua pa taragua. E nane tavai nari pana gutan xena gei tapin a mu vovau saat.

Luuk 11:49

Mi fo vil malaane e a Piran, lana texaasan sina, a kuus, ‘Ne taa feng a mu rabuna ina kuus fatuxai e mu yaamut xe siri. Ri taa punuk a saxanofuna e saxanofuna ri taa vil pengan nari.’

Luuk 22:30

E mi taa fangan e num la ivin lana fatataganan siak e vaxa mi taa nai la vena Memai xena tiisaana pabung sangafilu saxa pana taragua sina mu Israel.

Luuk 6:14

na Saimon aava fa'isine pa Pita, na Endru aava ti Pita, na Jems, Jon, Filip, Baatalamiu,

A Lagasai Roxo Na Jon A Xaleie 4:33

E mu fefeng ri ferawai la palou iri xa o “Naak, a saxa mataa fo tavaie pana fanganan?”

Faisok 1:13

Layaan ri maa savat pe Jerusalem ri paan fatak xe la nobina laa'ui lana lifu aava ri fuuna nai fangaafus lana. Pave, a mu yaamut; na Pita nari Jon, Jems, Endru, Filip, Tomas, Baatalamiu, Matiu, xasa Jems aava lak si Elfias, Saimon aava vubuk o a mu memai siri xa ri taa paamuian nari e na Juut a lak sina saxa Jems, ri waan pave.

Efasis 2:20

Nami ve mi mu xavil ina lifu aanabe'. A mu yaamut e mu rabuna ina kuus fatuxai ri fanei a fufuna lifu e a faat lava mata ina vesanaana ve na Krais Yesus.

Efasis 4:11

E nane xa a tavai a saxanofuna pana faisok ina yaamut e saxanofuna pana faisok ina kuus fatuxai e saxanofuna fulaa pana faisok ina xelaana rabuna xena namkai e saxanofuna fulaa laa pana faisok ina fepitaa e faxatangaana rabuna sina Piran.

Hibru 3:1

Mu fetinan siak lana pabung si Krais, nami vaxa a Piran ti la xunavata fo xel nami xe sina: mi taa lamon faagut se Yesus, nane aava Piran fo fenge xena vil a faisok ina yaamut e memai priis lapaana namkaian aava taara kuus turoxo pana.

2 Pita 3:2

Ne vubuk rao mi taa lamon fa'uli a ferawaian aava mu rabuna fatak a Piran fo bur nari xena kuus fatuxai, ri fo kuusane lokavai mupiis. E ne vubuk fulaa mi taa lamon fa'uli a ferawaian tateak sina Memai aava mataa ina fakaaxupan, a ferawaian aava mu yaamut sina ri fo xuus nami pana.

Kuusan Fasavatan 12:1

E a tang fakalimaanan fa'ipul a savat la palou ina vata: a tefin a savat e fo famarapi nane pana ngaas e a fulun taxa waan lapaana kana. E a vapara sangafilu saxa pana taragua ri kaliuan a putuna malaan sena ligilot.

Kuusan Fasavatan 18:20

E a ling ti la xunavata a kuus fulaa, ‘Faamamaas sena, nami lana xunavata! Nami mu rabuna mi namkai, nami mu yaamut e nami mu fefeng sina Piran, mi faamamaas. Senaso a Piran a lamon fa'uli a maana vilaana saat aava tefin aanabe' fo vile xe simi e nane fo tiise.’

Kuusan Fasavatan 21:14

A vaabat ina bina a toxan a fufuna faat sangafilu saxa pana taragua lapaana e a maana faat saxa saxa aave ri toxan a isin ina mu yaamut sangafilu saxa pana taragua sina Natuna Sipsip.