Luuk 6:12 - A Turoxoian Fa'ui Sina Piran

¹² Lana yaan aanabe' na Yesus a laak xe xuluna put xena fenung xe sina Piran. A fenung pave la vung xapiak.

Kara

¹² Lana yaan aanabe' na Yesus a laak xe xuluna put xena fenung xe sina Piran. A fenung pave la vung xapiak.

Luuk 6:12 Iomraidhean Croise

Matiu 5:1

Layaan nane xalum a malila aave, nane laak fadak xe xuluna put e nane nai su' e mu fefeng sina ri maa savat

Matiu 6:6

Taasaxa, layaan mi fenung, laak la nobina simi talo mi taa waan nami sang mon; xao a matana nobina aave e fenung xe si Tamami aava waan pave xuvul pami. E na Tamami aava xalum a so ta mo mi vile pave, i taa fasepirigus nami.

Maak 1:35

La paanen lolof, nane tamasiak xe lamalei e fe paan xe la saxa nobina gof rao i fenung xe sina Piran.

Maak 3:13

Mui na Yesus a laak xuluna put e xel nari aava nane vubuxan nari o ri taa filimaan xe sina. E ri savat.

Maak 6:46

Layaan a mu rabuna fo falet nane laak xe xuluna put xena fenung xe sina Piran.

Luuk 5:16

Na Yesus a ta'ulan nari e a falet xe la bina vingil xena fenung.

Luuk 6:11

Taasaxa nari, ri marala faagut e ri fefiai la palou iri o ri taa vil malaafain na Yesus.

Luuk 6:17

Nane sivi xuvul pari e fe tigina la bina xaradak. A malila aava ri usie ri waan e maana rabuna xaves ti la mu bina pe Judia, ti Jerusalem, Tair e na Saidan vaxa ri waan.

Luuk 9:18

Saxa yaan, layaan na Yesus taxa fenung e mu fefeng sina ri taxa waan xuvul pana, nane fin nari, “A mu rabuna ri kuus o nenia nase'?”

Luuk 9:28

Na Yesus a ferawai malaanabe' e lamina mu yaan pisiktul fo falet a xel faxuvul na Pita narutul Jems e na Jon e ri fe laak xuluna put talo na Yesus i taa fenung.

Luuk 9:29

Layaan i taxa fenung a xakaaluman ina nonau ina a puk e a marapi sina ferarapak faagut malaan sena yaamit.

A Lagasai Roxo Na Jon A Xaleie 6:3

Na Yesus a ung e laak xe xuluna put e fe nai pave xuvul pana mu fefeng sina.

Kolaasi 4:2

Faisok faagut xena fenung vulai, faxatang pana so ta mo mi taxa fenung pana, kuus faasiroxo pana maana mo mi toxane,

Hibru 5:7

La toyan sina nabe' la xavala na Yesus a fenung e fiai ti lana xunus ina pana taangiisan e pana xukulaian. Nane nung a Piran aava fexaxaas sena fakaxupe ti la maatan. A Piran a langaie senaso na Yesus fuuna suai sena e usi fatak a vilaana sina.