Luuk 5:11 - A Turoxoian Fa'ui Sina Piran

¹¹ E voxo ri yuuf falak a ro xaati siri xe xuluna gun e ri ta'ulan faneie su' xuvul pana maana mo siri e ri fe usie.

Kara

¹¹ E voxo ri yuuf falak a ro xaati siri xe xuluna gun e ri ta'ulan faneie su' xuvul pana maana mo siri e ri fe usie.

Luuk 5:11 Iomraidhean Croise

Matiu 10:37

“Ne piau ta vepen la palou ina rabuna siak xan' ta mataa aava vubuxan xasingitan sina xe si tamana o ninana a molava sena vubuxan xasingitan sina xe siak. E ne piau ta vepen la palou ina rabuna siak xan' ta mataa aava vubuxan xasingitan sina xe sina lak tomexaan o lak tefin sina a molava sena vubuxan xasingitan sina xe siak.

Matiu 19:27

E na Pita a suie, “Kaalum, maam fo ta'ulan a maana mo xapiak xena usi nano. Maam taa toxan a so ta mo?”

Matiu 19:29

E nase' ta mataa aava ta'ulan a mu tina o vasaana, tamana, ninana o rafulak, lifu o xavala xena usiau, i taa siak a maana mo xaves paaliu sena maana mo aave e vaxa a Piran i taa tavaie pana toyan vulai.

Matiu 4:20

E fataapus re ta'ulan a vana sire e re usie.

Matiu 4:22

E fataapus re ta'ulan a xaati e na tamare e re usie.

Maak 10:21

E na Yesus a xalume e vubuxane e xuuse, “No taa vil a saxa mo lunai; falet e no fe faasot pana maana mo xapiak siim e no taa tavai a mu valagof pana fafanaian xapiak siim. E mui filimaan xe siak e no usiau. Tamo no taa vil malaane no taa toxan a maana mo xaves laa'ui la bina sina Piran.”

Luuk 5:28

Nane tamasiak e ta'ulan a maana mo xapiak aave xena usiaan na Yesus.