Luuk 4:35 - A Turoxoian Fa'ui Sina Piran

³⁵ Na Yesus a sui faagutane, “Kasam! Ta'ulane!” E a vovau saat moxo a tapin fasivi a mataa aave la matari e a ta'ulane taasaxa pife fasope.

Kara

³⁵ Na Yesus a sui faagutane, “Kasam! Ta'ulane!” E a vovau saat moxo a tapin fasivi a mataa aave la matari e a ta'ulane taasaxa pife fasope.

Luuk 4:35 Iomraidhean Croise

Matiu 17:18

Na Yesus a baras a vovau saat e a vovau saat aave ta'ulan a lak aave e monabe' mon nane roxo fulaa.

Matiu 8:26

Na Yesus a sui nari, “Xenaso mi mataut temasaat? A namkaian simi a modak paaliu, bo?” E mui a tamasiak e fasei a reref e tof molava pana re taa taxapus e a reref e tof molava re mararol.

Maak 1:26

E a vovau saat a vil faradakui a mataa e a kuup faagut e nane ta'ulane.

Maak 4:39

E na Yesus moxo, a tamasiak e farawei a reref e taas, a kuus malaan, “Fo taxapus xong!” E fataapus a reref a taxapus e taas a luai fulaa.

Maak 9:26

E a vovau saat a xukulai faagut e vil faradakui faagutan a lak e a ta'ulane. E a lak xo, a mati malaan sena fo maat. E a rabuna xaves ri kuus o fo maat xo.

Luuk 11:22

Taasaxa, layaan a xasa mataa aava petateak sena, i taa faloue e fa'oname i taa siak tapin a maana mo aava mataa tafuna lifu i taxa lisan tuunei a lamonan sina xuluna xena xavangaana e i taa fepatoxan a maana mo sina.

Luuk 4:23

Na Yesus a kuus xe siri, “Tuuna paaliu, mi taa xuusau pana ferawaian paap aanabe', ‘Mataa ina i'irin, vil faroxoi nano xa’ e mi taa kuus fulaa, ‘Maam fo langai o no fo vil a maana mo fa'ipul pe Kapanam lavaxa, fasavat a mo malaan, nabe' la fufubina siim.’”

Luuk 4:39

Nane tigina la tana e a baras a giisan e a giisan a ta'ulane. A tefin aave a tamasiak fataapus e a faigotan a kas xari.

Luuk 4:41

E vaxa, a mu vovau saat ri ta'ulan a maana rabuna xaves. Ri ta'ulan nari e ri xukulai faagut malaan, “Nano, no Lak sina Piran.” Taasaxa nane baras nari talo ri taa pife ferawai senaso ri texaas o nane ve a Mataa Failai sina Piran.

Luuk 8:24

A mu fefeng ri faparaye e ri kuus, “Memai, Memai, taara taa xarak.” Nane tamasiak e baras a reref e xaing e re feluai e a raarum femararol.

Luuk 9:39

A vovau saat a vawe e nane fuuna xukulai fa'ipul; a fuuna tapin fasivie e nane fuuna gaga e a reng fuuna savat ti la valana. I taxa lo waan xuvul pana e i taxa kawaasane.

Luuk 9:42

E layaan a lak aave taxa filimaan, a vovau saat a tapin fasivie xe lapia pana radakuian. Taasaxa na Yesus a baras a vovau saat aave e a vil faroxoi a lak e lisan fa'ulie xe si tamana.

Kuusan Fasavatan 12:12

E voxo a xunavata xapiak i taa faamamaas. Nami aava mi waan lana xunavata, faamamaas! Taasaxa nami aava mi waan la xavala o xuluna taas, mi mamaxus senaso na Setan fo sivi xe simi e nane toxan a maraleian molava senaso nane texaas o a mu yaan sina ri pife xaves.”