Luuk 24:44 - A Turoxoian Fa'ui Sina Piran

⁴⁴ E mui nane xuus nari, “Ne fo xuus fatexaas nami pana maana mo aanabe' layaan ne taxa waan xuvul pami lunai; a maana mo aava ri xaleie lana vuputkai si Moses sega e lana xakalayan sina mu rabuna ina kuus fatuxai e lana mu yanganan sega, ri fo savat la matavas.”

Kara

⁴⁴ E mui nane xuus nari, “Ne fo xuus fatexaas nami pana maana mo aanabe' layaan ne taxa waan xuvul pami lunai; a maana mo aava ri xaleie lana vuputkai si Moses sega e lana xakalayan sina mu rabuna ina kuus fatuxai e lana mu yanganan sega, ri fo savat la matavas.”

Luuk 24:44 Iomraidhean Croise

Matiu 1:22

A maana mo xapiak aanabe' ri savat xena faxalit famatavasaana ferawaian aava Piran a kuus pana la ngusuna mu rabuna ina kuus fatuxai sina.

Matiu 16:21

Ti lana yaan aave na Yesus a tangpat pana xuus famatavasaana mu fefeng sina o a Piran a vubuk rao i taa laak xe Jerusalem. E pave a mu paamua priis, mu matalava e mu rabuna ina fepitaa pana vuputkai ri taa fasavat a maasaxan molava xuluna. E ri taa xuus faagutan a rabuna o ri taa punuxe taasaxa la fatalatulaana yaan a Piran i taa fatatoi fa'ulie ti la mamaat.

Matiu 26:54

Taasaxa tamo ne taa vil malaane, a maana mo aava Xakalayan Taap a ferawai pana, ri taa savat la matavas malaafaa?”

Matiu 26:56

Taasaxa, a maana mo aanabe' fo savat talo a xakalayan sina mu rabuna ina kuus fatuxai i taa savat tuuna la matavas.” E mui a mu fefeng ri ta'ulane e ri sinufane.

Maak 9:31

senaso nane vubuk fapiti a mu fefeng sina. Nane xuus nari malaan, “A Natuna Mataa xo, i taa pet lisanan e a rabuna ri taa punuxe e i taa waan la bina ina maatan fefexaxaas sena yaan talatul. Taasaxa lamina yaan talatul i taa to fa'ulaa.”

Luuk 21:22

Senaso a yaan ina fakasanaman aanabe' a yaan aava mu rabuna ina kuus fatuxai, ri fo ferawai pana.

Luuk 22:37

A Xakalayan Taap a kuus, ‘Ri xalie pana mataa fafaasaal.’ Aisaia 53:12. A mo aanabe' i taa savat la matavas sega. Aang, a lagasai sega i taxa savat la matavas monabe' mon.”

Luuk 24:46

Nane xuus nari, “Ri fo kala malaan: A Mataa Failai i taa maasak e taa to fa'ulaa ti la maatan la fatalatulaana yaan,

Luuk 9:22

E a kuus, “A Natuna Mataa i taa maasak faagut pana maana mo xaves e mu paamua priis, mu matalava e a mu rabuna ina fepitaa pana vuputkai, ri taa tisuie e punuxe. E la fatalatulaana yaan i taa fatatoi fa'ulian.”

Luuk 9:44

“Langai faroxoi a maana mo ne taxa xuus nami pana: a Natuna Mataa xo, saxa i taa pet lisane xe sina mu rabuna saat.”

A Lagasai Roxo Na Jon A Xaleie 3:14

Na Moses fo yaas fati a tiui ʻbraasʼ pe la bina vingil e mui a Natuna Mataa i taa yaas fatian malaan

A Lagasai Roxo Na Jon A Xaleie 5:39

Mi taxa seng, seng vulai lana Xakalayan ina Ferawaian sina Piran senaso mi lamon o a toyan vulai taxa waan lana, taasaxa a Xakalayan aanabe' taxa kuusanau

A Lagasai Roxo Na Jon A Xaleie 5:46

Tamo mi fo namkai sena Xakalayan si Moses mi taa namkai sega senaso nane fo kala sega.

Faisok 13:33

nane fo vil fasavate xo pataara layaan a fatatoi fa'uli na Yesus ti la maatan. A toxan a xakalayan pa Yesus lana fataraguiaana Yanganan a malaanabe': “‘Nano, no lak tomexaan siak, tanin ne fo savat tamaam’

Faisok 13:40

Faxatang, talo a ferawaian aanabe' sina mu rabuna ina kuus fatuxai ri taa pife savat la matavas xe simi;

Faisok 2:27

senaso no taa pife ta'ulanau lana bina ina mamaat.’ E vaxa malaan laa, ‘A mataa failai siim taa pife masiik.

Faisok 3:18

Taasaxa lumua, a mu rabuna ina kuus fatuxai ri fo kuus o a Mataa Failai sina Piran i taa maasak faagut.” E tanin a mo aanabe' fo savat tuuna la matavas.

Faisok 7:37

“Na Moses naang a xuus a mu Israel, ‘A Memai, a Piran simi, i taa feng fasavat a saxa mataa ina kuus fatuxai ti la palou imi malaan se' nane fo fengau. E i taa fenge xe simi.’

Hibru 10:1

A Vuputkai si Moses ri pife xaxaalua xurul e fatak sena maana mo tuuna; ri malaan sena mu xaxaalua xares mon ina maana mo roxo aava ri taa savatmaan lumui. A mu memai priis ri fuuna tatavai vulai pana maana buk tiir la maana mariaas xapiak, taasaxa mu tatavai aave ri pife fexaxaas sena vil faxaradak a mu rabuna aava ri vubuk waan xuvul pana Piran?

Hibru 3:5

Na Moses xa waan fatak lana vepen ina sisiak la palou ina lifu sina Piran e nane kuus fangaasik sena maana mo aava Piran i taa kuusane lumui.

Hibru 7:1

Na Melkesadek ve a piran king pe la bina Selam e a priis sina Piran Aava Waan Laa'ui Paaliu. Layaan na Abrahem taxa ulaa ti la rawen aava nane sip fa'onam a mu piran king talafaat lana, na Melkesadek a savat sina e kuus fararoxo xuluna.

Hibru 9:8

A Vovau Xaradak a faxalit netaara pana maana mu vilaana aanabe' o a salan xataara xena laak lana Nobina Taap Xasingit, a pife talakas layaan a Nobina Taap i taxa tigina lunai.

1 Pita 1:11

Ri tafang faagut xena siak a texaasan pana so ta yaan i taa savat e nase' ta mataa i taa lisanmaane. E a Vovau i Krais i taxa xavang nari xena fakalimaan a yaan ina savatan sina e pana kuus fatuxai sena maasaxan e vil penganan aava na Krais taa siaxe e a miridingan sina aava i taa savat lamina yaan aave.

Kuusan Fasavatan 19:10

Layaan ne langaie, ne mati turung la kana xena nanguse. Taasaxa nane faseiau, “Muta vil malaane! Nenia vaxa, ne sisiak malaan sema e malaan sena mu tiam aava ri tao fatateak a lagasai se Yesus. Nangus a Piran mon! Senaso a lagasai se Yesus ve a fufuna e malasuf ina vilaana kuus fatuxai!”