Luuk 24:36 - A Turoxoian Fa'ui Sina Piran

³⁶ Layaan ri taxa ferawai pana maana mo aanabe' na Yesus fatak xa maa tigina la palou iri e a kuus, “A luaian xe xulumi.”

Kara

³⁶ Layaan ri taxa ferawai pana maana mo aanabe' na Yesus fatak xa maa tigina la palou iri e a kuus, “A luaian xe xulumi.”

Luuk 24:36 Iomraidhean Croise

Matiu 10:13

E tamo a rabuna ti lana lifu aave ri kas a lifu siri xe simi, fin a Piran o i taa faluai nari. Tamo piau, a luaian aave i taa ulaa xe simi.

Maak 16:14

E muibak nane savat xe sina mu yaamut layaan ri taxa mati fafangan e fe gil nari sena vungutan siri e sena lamonan vaang siri. Senaso ri pife langai faroxoi a kuusan sina fesing siri e ri pife lamon faroxo pana ferawaian sina.

Luuk 10:5

“Layaan mi laak la saxa lifu mi taa kuus, ‘A luaian xe simi xapiak.’

A Lagasai Roxo Na Jon A Xaleie 14:27

A tatavai siak xena ta'ulanaan nami a malaan: ne tavai nami pana luaian. Pife malaan sena luaian ti la xavala, piau, taasaxa ne tavai nami pana luaian siak. Muta mimilisaat la xunus imi e muta mataut!

A Lagasai Roxo Na Jon A Xaleie 16:33

“Ne fo xuus nami pana maana mo aanabe' talo lapaana isaak a xunus imi taa luai. La palou ina mu rabuna ti la xavala mi taa toxan a matafanan taasaxa muta mataut, ne fo xasliu a maana vilaana ti la xavala.”

A Lagasai Roxo Na Jon A Xaleie 20:26

A saxa ʻwiikʼ mui lamina, a mu fefeng si Yesus ri faxuvul fulaa lana lifu aave e na Tomas taxa waan xuvul pari. A mu matana lifu ri xawei fatateaxe taasaxa na Yesus a savat e maa tigina la palou iri e kuus, “Ne vubuk rao a luaian taa waan la xunus imi.”

Faisok 1:3

Lamina maasaxan e maatan sina, na Yesus xo a to fa'ulaa. E nane fa'ipul nari pana xasano vilaana ri pi xaxalume xena faxalit nari o i taxa to tuuna e pife rongan. Lana yaan sangafilu talafaat ri xalum faxavesane e nane xuus nari pana fatataganan sina Piran.

1 Korin 15:5

E nane savat si Pita e mui xe sina mu yaamut sangafilu saxa pana taragua.

1 Korin 15:7

E mui a savat si Jems e lamina xe sina mu yaamut xapiak.

2 Tesalonaika 3:16

Ne vubuk o a Memai aava fufuna luaian, i taa pisingan nami la maana yaan xapiak pana luaian la xunus imi. A Memai i taa waan xuvul pami.

Kuusan Fasavatan 1:4

Nenia na Jon, ne taxa kala xe simi, mu lifu lotu pisiguak aava mi taxa waan pe Esia. A Piran sitaara aava taxa waan naboxo, a waan kavai, e i taa waan la maana yaan lumui, rao i taa tavai nami xapiak pana xakaavangan xatam e luaian sina. E a mu Vovau Pisiguak sait aava ri taxa waan la nona vepen ina naian sina Piran, rao ri taa tavai nami pana xakaavangan xatam e luaian sina Piran.