Luuk 22:18 - A Turoxoian Fa'ui Sina Piran

¹⁸ Ne xuus nami o ne taa pife num fulan a wain aanabe' fefexaxaas a yaan a fatataganan sina Piran i taa savat la matavas.”

Kara

¹⁸ Ne xuus nami o ne taa pife num fulan a wain aanabe' fefexaxaas a yaan a fatataganan sina Piran i taa savat la matavas.”

Luuk 22:18 Iomraidhean Croise

Matiu 16:18

E ne xuus nano, Pita, nano ve no faat lava e layaan ne xel faxuvul a mu rabuna aava ri taa namkai sega, nano ve no faat aava fufuna faxuvulan aave e a gutan ina maatan i taa pife fa'onam a faxuvulan aave.

Matiu 26:29

Ne xuus nami, ne taa pife num fulan a raarum wain fefexaxaas a yaan ne num a raarum wain fa'ui xuvul pami la fatataganan si Tamaang.”

Maak 14:23

E nane siak a lisa pana wain e fenung pana sait e tavai nari pana. E nari xapiak ri nume.

Maak 14:25

Ne kuus tuuna o ne taa pife num a wain fulaa fefexaxaas ne taa num a wain fa'ui xuvul pami lana fatataganan sina Piran.”

Maak 15:23

E rao ri fanume pana wain aava toxan a saxa buk titiwai xena ti votan a maasaxan lana, ri xalie pana ʻmurʼ taasaxa nane bai nume.

Maak 9:1

E nane xuus nari, “Ne xuus tuunei nami, saxano rabuna aava ri taxa tigina la palou itaara tanin, ri taa pife maat lunai layaan a fatataganan sina Piran taa savat pana gutan.”

Luuk 21:31

E layaan mi xalum a maana mo aave ri taxa savat, mi taa texaas o a fatataganan sina Piran fo faasilak.

Luuk 22:16

Senaso ne xuus nami, ne taa pife ngan fulan a fanganan malaan fefexaxaas taara taa fangan faxuvul fulaa la fatataganan sina Piran.”

Luuk 9:27

Ne kuus tuuna xe simi, saxanofuna aava ri taxa tigina nabe' ri taa pife maat paamuina yaan ri taa xalum a fatataganan sina Piran.”

Kolaasi 1:13

Aang, nane fo fakaxup netaara xasena tateaxan ina suk e lisan netaara xe lana fatataganan si Natuna aava nane vubuxan xasingite.