Luuk 20:17 - A Turoxoian Fa'ui Sina Piran

¹⁷ Na Yesus a kaalum fatak xe siri e a fiai, “Lavaxa, lana Xakalayan Taap a so ta malasuf a waan lapaana ferawaian aanabe': “‘A faat aava mu rabuna ina vavesai ri baiane, a faat naang xo fo savat pelalava.’ Yanganan 118:22.

Kara

¹⁷ Na Yesus a kaalum fatak xe siri e a fiai, “Lavaxa, lana Xakalayan Taap a so ta malasuf a waan lapaana ferawaian aanabe': “A faat aava mu rabuna ina vavesai ri baiane, a faat naang xo fo savat pelalava.” Yng 118:22

Luuk 20:17 Iomraidhean Croise

Matiu 21:42

E na Yesus a kuus xe siri, “Mi pife kat paamuin a Xakalayan Taap aava kuus: “‘A Faat aava mu rabuna ina vavesai ri gilise malaan sena mo palau, a faat aave a pelalava sena xasano faat xapiak. A mo aanabe' aava maam pangaa pana ve a faisok sina Memai.’” Yanganan 118:22,23.

Maak 10:23

E na Yesus a kaalum xolai e a xuus a mu fefeng sina, “A lagaf paaliu xana mataa aava toxan a fafanaian xaves xena laak lana fatataganan sina Piran.”

Maak 12:10

Na Yesus a fin nari, “Mi pife xalum a xakalayan aava kuus malaan, bo? “‘A faat aava mu rabuna ri bai vesan a lifu pana, a faat naang, a savat xaaxaak mata ina lifu, a faat pana faisok molava paaliu.

Maak 3:5

E na Yesus a xalum nari e a vilauna a kasal taasaxa muluk nari senaso ri vungut sena mamaaluxan sina Piran. E nane xuus a mataa, “No faxaradak a maam!” E a mataa faxaradaxe e a mana fo roxo.

Luuk 19:41

Nane taxa sivi xe pe Jerusalem e layaan a xalume, nane tangiis soxote

Luuk 22:37

A Xakalayan Taap a kuus, ‘Ri xalie pana mataa fafaasaal.’ Aisaia 53:12. A mo aanabe' i taa savat la matavas sega. Aang, a lagasai sega i taxa savat la matavas monabe' mon.”

Luuk 22:61

A Memai a gilim e kaalum fatak xe si Pita. E mui na Pita a lamon fa'uli a ferawaian sina Memai sena: “A pura i taa pife rawei lunai e no taa faaxolusanau faatalatul.”

Luuk 24:44

E mui nane xuus nari, “Ne fo xuus fatexaas nami pana maana mo aanabe' layaan ne taxa waan xuvul pami lunai; a maana mo aava ri xaleie lana vuputkai si Moses sega e lana xakalayan sina mu rabuna ina kuus fatuxai e lana mu yanganan sega, ri fo savat la matavas.”

A Lagasai Roxo Na Jon A Xaleie 15:25

E voxo a xakalayan lana Vuputkai siri a savat tuuna paaliu: ‘Ri baian faagutanau e ri piau ta fufuna xena vil malaane.’ Yanganan 69:4.

Faisok 4:11

A xakalayan sina Piran a ferawai pa Yesus malaan layaan i taxa kuus pana newai: “‘Nami mu rabuna ina vavesai, mi baian a wai aave taasaxa a Piran fo famati fa'ulie la vepen ina pungan fataxapiak.’ Yanganan 118:22.

Efasis 2:20

Nami ve mi mu xavil ina lifu aanabe'. A mu yaamut e mu rabuna ina kuus fatuxai ri fanei a fufuna lifu e a faat lava mata ina vesanaana ve na Krais Yesus.

1 Pita 2:6

Senaso lana Xakalayan ti Kavai a Piran fo kuus malaan: “Nenia, ne fo siak fati a faat roxo paaliu e ne timine malaan sena xaaxaak tuaan lana lifu siak pe Saion; nase' i taa namkai sena i taa pife mangil.” Aisaia 28:16.