Luuk 2:37 - A Turoxoian Fa'ui Sina Piran

³⁷ E mui a waan a tefin nakmaal fefexaxaas a mariaas sangafilu pisiktul pana talafaat. Nane pi ta'ulan a tang lifu lotu aave, nane naangus la maana vung e la maana yaan xapiak pana falfaalan e fenungan.

Kara

³⁷ E mui a waan a tefin nakmaal fefexaxaas a mariaas sangafilu pisiktul pana talafaat. Nane pi ta'ulan a tang lifu lotu aave, nane naangus la maana vung e la maana yaan xapiak pana falfaalan e fenungan.

Luuk 2:37 Iomraidhean Croise

Luuk 5:33

E ri fine, “A malaafaa mu rabuna aava ri usi na Jon ri fuuna fenung e ri falfaal e mu rabuna aava ri usi a mu Ferasi vaxa ri vivil malaane. Taasaxa mu rabuna aava ri usi nano va sou ri fuuna fangan e num?”

Faisok 13:3

Lamina fenungan e falfaalan siri, ri timin a mari xulure e ri feng tapin nare.

Faisok 14:23

Na Pol nare Baanabas re siak fati a mu paamua lana mu lotu saxa saxa. E lamina fenungan e falfaalan re timin nari lapaana xakaavangan xatam sina Piran senaso ri fo lisan tuunei nari xa xe sina.

Faisok 26:7

A mu pabung sangafilu pana taragua simaam ri taxa waan bang a kuus fanaian aanabe' layaan ri sisiak fatak xe sina Piran la maana yaan e vung fefexaxaas a kuus fanaian aave i taa savat. King Agripa, sena lamonan aanabe' a mu Juda ri taxa tisuiau.

1 Timoti 5:5

A tefin nakmaal aava waan nane sang mon, a kaalum vulai xe sina Piran e la maana yaan xapiak a nunge pana xakaavangan sina.

Kuusan Fasavatan 3:12

Nase' ta mataa i taa fa'onam a mu vilaana ti la xavala, ne taa fatigineie malaan sena xaaxaak ina Tang Lifu Lotu sina Piran. E i taa pife ta'ulai, piau paaliu, i taa waan vulai. E nenia, ne taa fa'isin a mataa aave pana isina Piran siak e pana isina bina sina Piran, na Jerusalem fa'ui aava taa sivimaan ti la xunavata sina Piran. E ne taa fa'isine pana isin fa'ui sait.

Kuusan Fasavatan 7:15

E voxo ri taxa tigina faasilak la ivin lava sina Piran e ri xavange la maana paanaas e la maana vung sait lana Tang Lifu Lotu sina. E ri taa waan lapaana fatataganan sina saxa aava taxa nai xuluna ivin lava.