Luuk 17:25 - A Turoxoian Fa'ui Sina Piran

²⁵ Taasaxa paamua, i taa maasak faagut lapaana maana mo xaves e a mu rabuna ti tanin ri taa tisuie.

Kara

²⁵ Taasaxa paamua, i taa maasak faagut lapaana maana mo xaves e a mu rabuna ti tanin ri taa tisuie.

Luuk 17:25 Iomraidhean Croise

Matiu 16:21

Ti lana yaan aave na Yesus a tangpat pana xuus famatavasaana mu fefeng sina o a Piran a vubuk rao i taa laak xe Jerusalem. E pave a mu paamua priis, mu matalava e mu rabuna ina fepitaa pana vuputkai ri taa fasavat a maasaxan molava xuluna. E ri taa xuus faagutan a rabuna o ri taa punuxe taasaxa la fatalatulaana yaan a Piran i taa fatatoi fa'ulie ti la mamaat.

Matiu 21:42

E na Yesus a kuus xe siri, “Mi pife kat paamuin a Xakalayan Taap aava kuus: “‘A Faat aava mu rabuna ina vavesai ri gilise malaan sena mo palau, a faat aave a pelalava sena xasano faat xapiak. A mo aanabe' aava maam pangaa pana ve a faisok sina Memai.’” Yanganan 118:22,23.

Maak 10:33

Nane xuus nari malaan, “Mi langai. Layaan taara taa laak saa xe Jerusalem a mu rabuna ri taa yot a Natuna Mataa e ri taa lisane xe sina mu paamua ina faxatangaana lotu. E nari, ri taa sei pana punuxaana e ri taa lisane xe sina paamua sina mu Rom.

Maak 12:10

Na Yesus a fin nari, “Mi pife xalum a xakalayan aava kuus malaan, bo? “‘A faat aava mu rabuna ri bai vesan a lifu pana, a faat naang, a savat xaaxaak mata ina lifu, a faat pana faisok molava paaliu.

Maak 8:31

E nane tangpat pana fapiti nari o a Natuna Mataa taa yaas a maana maasaxan: a mu rabuna taa bilai fasaat xe sina e mu paamua sina mu Juda e mu matalava siri ri taa gigirane e ri taa punuxe. Taasaxa lamina yaan talatul i taa tamasiak fulaa ti la maatan.

Maak 9:31

senaso nane vubuk fapiti a mu fefeng sina. Nane xuus nari malaan, “A Natuna Mataa xo, i taa pet lisanan e a rabuna ri taa punuxe e i taa waan la bina ina maatan fefexaxaas sena yaan talatul. Taasaxa lamina yaan talatul i taa to fa'ulaa.”

Luuk 18:31

Na Yesus a xel patak a mu yaamut sangafilu saxa pana taragua sina e a xuus nari, “Taara taa laak xe Jerusalem e a maana mo aava mu rabuna ina kuus fatuxai fo kala pana sena Natuna Mataa, ri taa savat la matavas.

Luuk 18:33

E la fatalatulaana yaan i taa to fa'ulaa.”

Luuk 24:46

Nane xuus nari, “Ri fo kala malaan: A Mataa Failai i taa maasak e taa to fa'ulaa ti la maatan la fatalatulaana yaan,

Luuk 9:22

E a kuus, “A Natuna Mataa i taa maasak faagut pana maana mo xaves e mu paamua priis, mu matalava e a mu rabuna ina fepitaa pana vuputkai, ri taa tisuie e punuxe. E la fatalatulaana yaan i taa fatatoi fa'ulian.”

A Lagasai Roxo Na Jon A Xaleie 1:11

Nane fo savat xe sina maana rabuna sina, taasaxa ri pife fesuaiane.

A Lagasai Roxo Na Jon A Xaleie 12:38

e voxo a ferawaian sina mataa ina kuus fatuxai, na Aisaia, a savat tuuna. A kuus malaan: “Piran, nase' fo namkai sena lagasai sitaare? E nase' fo masam o a gutan sina Piran ve fo savat xo?” Aisaia 53:1.