Luuk 15:8 - A Turoxoian Fa'ui Sina Piran

⁸ E fulaa na Yesus a ferawai, “E tamo a tefin a toxan a mu faat ʻsilvaʼ sangafilu e saxa a malit, i taa vil a so? Nane taa faram a laam, gon a lifu e seng faroxo fefexaxaas i taa tingine, bo?

Kara

⁸ E fulaa na Yesus a ferawai, “E tamo a tefin a toxan a mu faat ‘silva’ sangafilu e saxa a malit, i taa vil a so? Nane taa faram a laam, gon a lifu e seng faroxo fefexaxaas i taa tingine, bo?

Luuk 15:8 Iomraidhean Croise

Matiu 5:15

E vaxa mu rabuna ri taa pife faram a laam siri e fune lapaana bi o lana vuk ina xariu, bo? Piau! Ri taa faneie xuluna ivin ina talo mu rabuna xapiak la lifu, ri taa fexaxaas sena kaalum.

Luuk 15:7

Ne xuus nami, malaan sena mataa aave a faamamaas sena sipsip sina, a toxan a faamamaasan molava la xunavata pana saxa mataa saat aava puk tapin nane xa xasena vilaana saat sina. A faamamaasan sena saxa aave a molava sena faamamaasan sena rabuna xaves aava ri roxo e ri pi ta mo xena puk tapin nari xa xasena.”

Luuk 15:9

E layaan a tingine, i taa xel faxuvul a mu fesing sina e kuus, ‘Faamamaas xuvul paga senaso ne fo tingin xo a faat aava malit.’

Luuk 19:10

A Natuna Mataa maa savat nabe' xena sengaana mu rabuna aava ri fo milung xena fakaxup nari.”

A Lagasai Roxo Na Jon A Xaleie 10:16

Ne toxan a xasano sipsip sait e ri pife waan lana tagaan aanabe'. Ne taa lisanmaan nari sait senaso ri taa langai a lingaak. E i taa toxan a tagaan saxa mon lapaana mataa saxa xena faxatang nari.

A Lagasai Roxo Na Jon A Xaleie 11:52

E pife xana mu Israel mon, i taa maat xena faxuvul a maana mu rafulak sina Piran talo ri taa waan lana pabung saxa.

Faisok 19:19

E a maana rabuna aava ri fuuna neng, ri siak lisan a maana lagasai ina neng siri e ri timin faxuvule la matana rabuna e ri farame. E voxo a mamareiai ina mu lagasai aanabe' a xakatan ina faasilak K10,000,000.

Efasis 2:17

Nane maa kuusan famatavas a vilaana ina luaian xe simi aava mi waan lasuun sena Piran e xe simaam aava maam waan faasilak.