Luuk 12:59 - A Turoxoian Fa'ui Sina Piran

⁵⁹ Ne xuus nami o mi taa pife ta'ulan a bina aave fefexaxaas mi maraan xapin a mamareiai aava ri tavai nano pana.”

Kara

⁵⁹ Ne xuus nami o mi taa pife ta'ulan a bina aave fefexaxaas mi maraan xapin a mamareiai aava ri tavai nano pana.”

Luuk 12:59 Iomraidhean Croise

Matiu 18:34

E a piran a marala faagut e a kuus, ‘Pis a sisiak aave talo a rabuna ina faxatang a mu vipis ri taa sip pengane fefexaxaas a yaan i taa lisan fa'uli a maana mo xapiak.’”

Matiu 25:41

“E mui i taa kuus xe siri la paxaiya, ‘Faapalau sega nami aava mi waan lapaana fatutulan sina Piran! Falet xe la bina ina fata i taxa raam vulai aava Piran a faigotane pa Setan e mu angelo sina!

Matiu 25:46

“E nari xo a Piran i taa feng tapin nari xe la bina ina fakasanaman aava piau ta taxapusan ina. Taasaxa mu rabuna fatak aava ri usi a vubuxanan sina Piran, ri taa siak a toyan vulai xe vulai.”

Matiu 5:26

Ne xuus tuunei nano o no taa pife mulus tapinan fefexaxaas no taa sui xapin a maana faat xapiak.

Maak 12:42

E a saxa tefin nakmaal, a tomexaan sina fo maat xo, a savat e tatavai pana toea taragua mon.

Luuk 16:26

E saxa mo vaxa, la palou itaara a Piran a timin a saxa mamata talo rabuna simaam ri pife fexaxaas sena falet xe move e a rabuna simi vaxa ri pife fexaxaas sena filimaan xe nabe'.’

2 Tesalonaika 1:3

Mu fetinan, maam kuus faasiroxo vulai xe sina Piran pami. A mo roxo maam taa vil malaane senaso a namkaian simi taxa lo tateak falet e vubuxan xasingitan simi vaxa, taxa lo molava falet sait.