Luuk 1:78 - A Turoxoian Fa'ui Sina Piran

^78-79 A Piran sitaara a bas pana mamaaluxan e fananapan. Nane vil famatavas a texaasan ina fakaaxupan talo nari aava ri taagul lana bina ina maatan, ri taa tamulus sena, xena sangas la matavas aava savat ti laa'ui la xunavata. Nane taa vil malaane xena paamuian netaara xe lana salan ina luaian.” Nabe' ve a yanganan si Sekaraia.

Kara

^78-79 A Piran sitaara a bas pana mamaaluxan e fananapan. Nane vil famatavas a texaasan ina fakaaxupan talo nari aava ri taagul lana bina ina maatan, ri taa tamulus sena, xena sangas la matavas aava savat ti laa'ui la xunavata. Nane taa vil malaane xena paamuian netaara xe lana salan ina luaian.” Nabe' ve a yanganan si Sekaraia.

Luuk 1:78 Iomraidhean Croise

A Lagasai Roxo Na Jon A Xaleie 3:16

“Senaso, a Piran a vubuxan xasingit a mu rabuna xapiak la xavala e voxo nane turoxo pana maatan sina Lak Tomexaan Fatak sina talo nase' ta mataa aava i taa namkai sena, i taa pife maat, taasaxa i taa toxan a toyan vulai, vulai.

Efasis 5:14

senaso a malang a famatavas a maana mo xapiak. E sena mo aanabe' ri kuus malaan: “Para nano aava no taxa matef, tamasiak fa'ulaa ti la mamaat e na Krais i taa lang xulumi.”

Filipai 1:8

E a Piran i taa kuus xakaavang pana vubuxanan siak xena xalumaan nami xapiak senaso ne vubuxan xasingit nami malaan se Krais Yesus a vubuxan xasingit nami.

Filipai 2:1

Tamo a xuvulaian simi xuvul pa Krais a fagut nami o a vubuxan xasingitan sina a famalulum nami o mi waan xuvul lapaana Vovau Xaradak o mi fo siak a fangaasixan o mamaaluxan,

Kolaasi 3:12

E senaso a Piran, lana vubuxanan sina, fo siak fati nami xana, mi piau ta lalosaat la matana. Mi taa falak a maana vilaana roxo malaan: mamaaluxan, fangaasixan, fananapan e vilaana mam e mi taa fasivi nami xa

2 Pita 1:19

E voxo taara toxan a ferawaian fulaa aava i taxa kuus xakaavang sena mu kuus fatuxaian sina mu rabuna ina kuus fatuxai. E tamo mi taa usi faroxoie, mi taxa bilai faroxo. Senaso a ferawaian aave a malaan sena saxa laam aava i taxa famalang a bina suk fefexaxaas a uf ina yaan e a malangan si Krais a malaan sena Sakiyaan aava i taa laak e famalang a xunus imi.

1 Jon 3:17

Layaan a mataa pana maana mo xaves, i taa xalum a saxa tina aava taxa waan valagof e nane pife xavange pana saxano mo sina, a vubuxanan xana Piran taxa waan lana malaafaa?

Kuusan Fasavatan 22:16

“Nenia na Yesus, ne fo feng a angelo xe siim talo no taa kuusan fasavat a ferawaian aanabe' xe sina mu fetinan. Nenia, ne fufu Devit e ne xuxul sina sait e nenia, ne Sakiyaan, a vapara ti la paanen lolof aava lang faagut.”