Luuk 1:3 - A Turoxoian Fa'ui Sina Piran

³ Naboxo a toxan a maana xakalayan xaves. E nenia na Luuk, ne fo fiai faaxaves pana maana mo xapiak aava fo savat ti la tangpat e voxo ne lamon rao ne taa kala xena faxuvul faroxoi a maana xuuskuus aave xena lisanaana xe siim, matalava Tiofilas.

Kara

³ Naboxo a toxan a maana xakalayan xaves. E nenia na Luuk, ne fo fiai faaxaves pana maana mo xapiak aava fo savat ti la tangpat e voxo ne lamon rao ne taa kala xena faxuvul faroxoi a maana xuuskuus aave xena lisanaana xe siim, matalava Tiofilas.

Luuk 1:3 Iomraidhean Croise

Luuk 1:1

A maana rabuna xaves ri fo kala sena maana mo aava Piran fo fasavate la matavas la palou itaara.

Faisok 1:1

Ka fesing Tiofilas: Lana lagasai mata siak, ne fo kala pana maana mo xapiak na Yesus fo vile e fapiti a mu rabuna pana fefexaxaas a yaan nane laak xe laa'ui la xunavata.

Faisok 11:4

Na Pita a xuus fatexaas nari pana maana mo xapiak aava ri fo savat. A kuus malaan,

Faisok 15:19

Na Jems a kuus fulaa, “A lamonan siak a malaan: taara taa pife famatafan a mu rabuna aava ri pife Juda e ri puk a lamonan siri xena namkai sena Piran.

Faisok 15:25

E voxo nemaam xapiak, lapaana lamonan saxa, maam fo siak fati a saxanofuna xena fengaan nari xe simi xuvul pana ro fesing sitaara, na Pol nare Baanabas

Faisok 15:28

A Vovau Xaradak e nemaam, maam fo turoxo o maam taa pife falagaf nami pana maana vuputkai xaves taasaxa maam toxan a nu vuputkai aanabe' mon:

Faisok 18:23

E lamina waanan sina pe Antiaak, na Pol a guun ti pave e a falet xolai la ro bina Galesia e Fridia xena fatateak a namkaian sina mu rabuna pave. Pevoxo.

Faisok 23:26

Ti Klodias Laisias Xe si Matalava Roxo, Felik Paanen Roxo.

Faisok 24:3

Lana mu bina xapiak maam turoxo pana maana vilaana siim e maam kuus faasiroxo xe siim.

Faisok 26:25

Na Pol a suie, “Ne pife ngong, Matalava Festas, ne taxa ferawai tuuna pana masaman.

1 Korin 16:12

Lavaxa, se titaara na Apolas, a maana yaan xaves ne faxaare o i taa fe xalum nami xuvul pana mu fetinan, taasaxa nane bai falet naboxo. Nane taa fe savat simi la yaan fatak ina faletan sina.

1 Korin 7:40

Taasaxa, ne lamon o tamo i taa waan tefin nakmaal i taa faamamaas sena. E pana ferawaian aanabe' ne lamon o ne toxan a turoxoian sina Vovau sina Piran.

1 Timoti 4:6

Fafangan a vovau siim pana ferawaian ina namkaian e pana fepitaian tuuna si Krais Yesus aava no usie e tavai a mu rabuna aava ri namkai pana mu fefasaian aanabe'. Tamo no vil malaane no taa mataa sisiak roxo si Yesus Krais.