Luuk 1:17 - A Turoxoian Fa'ui Sina Piran

¹⁷ E i taa falet paamuin a Memai lana vilaana e gutan si Ilaija. I taa puk fa'uli a vubuxanan sina mu tamana rafulak xe sina mu rafulak siri e a rabuna aava ri langai pesalai xe sina texaasan ina mu vilaana fatak. Nane taa vil malaane xena faigotanaana rabuna aava ri taa bang a savatan sina Memai.”

Kara

¹⁷ E i taa falet paamuin a Memai lana vilaana e gutan si Ilaija. I taa puk fa'uli a vubuxanan sina mu tamana rafulak xe sina mu rafulak siri e a rabuna aava ri langai pesalai xe sina texaasan ina mu vilaana fatak. Nane taa vil malaane xena faigotanaana rabuna aava ri taa bang a savatan sina Memai.”

Luuk 1:17 Iomraidhean Croise

Matiu 11:14

E tamo mi buk namkai sena lagasai siri o piau, na Jon ve na Ilaija aava ri fo kuus o i taa savat.

Matiu 14:4

E na Jon ina Fasufan fo xuuse, “Pife roxo no taa tamai si Herodias.”

Matiu 3:3

Na Aisaia aava mataa ina kuus fatuxai, a ferawai sena mataa aave malaan: “A ling ina saxa mataa pe la xobingil i taa kel, ‘Faigotan a salan xana Memai, vil faxaradak a salan sina.’” Aisaia 40:3.

Matiu 3:4

A maana marapi si Jon ri vesane pana fui ina ʻkaamelʼ e a fakaliuan nane xa pana yowang ina vipin ina tiir. E nane fuuna ngan a sakawa e vevoi.

Luuk 1:16

I taa lisan fa'uli a maana rabuna ti Israel xe sina Memai aava Piran siri.

Luuk 1:76

E nano xanatuk, ri taa xali nano pana mataa ina kuus fatuxai sina Piran pana Isin Molava Paaliu senaso no taa falet paamuin a Memai xena faigotanaana salan xana.

A Lagasai Roxo Na Jon A Xaleie 1:13

a rafulak malaan se' ri fo luxan taasaxa pife sena matatuuna o a vubuxanan sina mataa o sena tamaian, piau! A fufuna savatan siri ve a vubuxanan sina Piran.

A Lagasai Roxo Na Jon A Xaleie 1:34

Ne fo xalum a fakalimaanan aanabe' e ne kuus faagut o nane ve a Natuna Piran.”

A Lagasai Roxo Na Jon A Xaleie 3:28

Nami fatak mi texaas o ne kuus malaan: ‘Nenia, ne pife Krais, a Mataa Failai, taasaxa nenia, ne fo fengan paamuine.’

Faisok 10:33

E voxo fataapus, ne feng narutul xena xelaan nano. E nano lana roxoyan siim, no filimaan xeau. Naboxo, nemaam xapiak maam taxa waan bang nabe' la matana Piran xena langai pana so ta mo a Piran a xuus fatexaas nano pana.”

A Si Pol Lagasai Xe Sina Mu Rom 9:23

Naak nane vil malaane xena famatavas a maana roxoyan molava sina xe siri aava ri taa siak a mamaaluxan sina, nari aava nane fakalimaan paamuin nari xena nai la vepen roxo marasaxa xuvul pana.

Kolaasi 1:12

e mi taa kuus faasiroxo xe si Tamataara pana faamamaasan senaso nane xo fo tavai nami, xuvul pana mu rabuna fatak sina, pana maana mo xapiak xena xavang nami talo mi fexaxaas sena waan lana fatataganan sina aava fatataganan ina malang.

2 Timoti 2:21

Tamo mataa taa sufan tapin a vusiit ina toyan sina talo i taa savat xaradak, i taa mataa roxo ina faisok e a saxa aava mataa tafuna i taa faamamaas pana. E layaan a faisok roxo taa savat i taa tamasiak xena vile.

1 Pita 2:9

Taasaxa nami, a Piran aava fo xelmaan nami ti lana bina suk xe lana malang peraroxo sina, nane fo siak fati nami xena kuusan fasavat a maana mu vilaana roxo xasingit sina. E voxo nane fo siak fati nami aava mi mu rabuna tuuna sina xena vil a faisok sina mu priis sina Piran King e xena waan lana fatataganan xaradak sina.

1 Jon 2:28

E naboxo mu rafulak, taagul xuvul pa Krais e la yaan i taa savat taara taa pife faatasu sena pana mangilan senaso taara taxa lamon faroxo sena.

Kuusan Fasavatan 20:4

E nenia, ne xalum a mu rabuna aava ri toxan a faisok ina tiisan, ri taxa nai xuluna mu ivin lava siri. Mui ne xalum a vovau ina mu rabuna aava ri fo kuusan a roxoyan si Yesus e a ferawaian sina Piran. A mu xaiyaas sina Piran ri fo punuk nari pana patalaana puturi. Nari aave ri pife nangus a vupung patak o a maaradaang ina. E ri pife siak a fakalimaanan sina la nori o la mari. E nari xapiak aave, ri to fa'ulaa e ri nai paamua xuvul pa Memai Yesus fefexaxaas sena mariaas 1,000 tafe liu.