A Lagasai Roxo Na Jon A Xaleie 9:3 - A Turoxoian Fa'ui Sina Piran

³ Na Yesus a sui nari, “A mo aanabe' pife savat sena faasaalan sina o si ninana nare tamana, piau. Nane fo luxan malaan talo Piran i taa faxalit a gutan sina sena.

Kara

³ Na Yesus a sui nari, “A mo aanabe' pife savat sena faasaalan sina o si ninana nare tamana, piau. Nane fo luxan malaan talo Piran i taa faxalit a gutan sina sena.

A Lagasai Roxo Na Jon A Xaleie 9:3 Iomraidhean Croise

Matiu 11:5

a mu rabuna aava ri tamu piif ri kaalum fulaa; a mu rabuna aava ri tamu maalapen ri sangas; nari aava tari tamu tapak ri roxo paaliu. Nari aava ri tamu vaang, ri langai. Nari aava ri tamu maat ri to fa'ulaa e a mu valagof ri taxa langai a Lagasai Roxo.

A Lagasai Roxo Na Jon A Xaleie 11:4

Layaan na Yesus a langai sena nane kuus, “A giisan aanabe' i taa pife taxapus lana mamaat. Taasaxa giisan aanabe' fo savat xena faxalit a gutan sina Piran e fulaa xena vil famalang a Natuna Piran pana.”

A Lagasai Roxo Na Jon A Xaleie 11:40

Na Yesus fine, “Ne fo xuus nano paamua e bo, o tamo no taa namkai sega no taa xalum a gutan sina Piran?”

Faisok 28:4

A mu rabuna ti la bina ri xalum a tiui la ma Pol e ri kuus la palou iri, “Naak a mataa aanabe' a mataa ina punuk mataa. Nane sinuf ti la laman taasaxa i taa pife sinuf sena fakasanam aanabe'.”

Faisok 4:21

Fulaa, a mu paamua ri fasei faagutan nare e mui, na Pita nare Jon re ta'ulan nari. Ri pife lamon pana fakasanamaan nare senaso a mu rabuna ri kuus faasiroxo xe sina Piran pana faisok roxo nane fo vile

1 Jon 4:16

E taara texaas sena vubuxan xasingitan aava Piran a toxane xataara e taara namkai sena. A Piran ve a Vubuxan Xasingitan e nase' ta mataa i taa toxan a vubuxan xasingitan malaan sena Piran, nane aave taxa taagul lapaana Piran e a Piran taxa waan la xunus ina.

1 Jon 4:9

E voxo a vubuxanan sina Piran xataara a malaan: a Piran fo feng a Natuna xe la xavala talo taara taa siak a toyan vulai sena.