A Lagasai Roxo Na Jon A Xaleie 9:2 - A Turoxoian Fa'ui Sina Piran

² E mu fefeng ri fin na Yesus, “Ai Mataa ina Fepitaa, nase' fo faasaal, a mataa aanabe' o na ninana nare tamana e voxo nane maa luxan pana matana piif?”

Kara

² E mu fefeng ri fin na Yesus, “Ai Mataa ina Fepitaa, nase' fo faasaal, a mataa aanabe' o na ninana nare tamana e voxo nane maa luxan pana matana piif?”

A Lagasai Roxo Na Jon A Xaleie 9:2 Iomraidhean Croise

Matiu 16:14

Ri suie, “Saxanofuna ri kuus o ‘na Jon ina Fasufan’ e saxanofuna ri kuus o ‘Na Ilaija’ e saxanofuna laa ri kuus o ‘Na Jeramaia o saxa mataa patak ina kuus fatuxai.’”

Matiu 23:7

E ri vubuk o a mu rabuna ri taa suai faagut seri pe la bina ina faasot e ri taa xali nari pana ‘Mataa ina Fepitaa.’

Matiu 23:8

“Taasaxa muta turoxoian a rabuna xena xali nami pana ‘Paamua’ senaso nami ve mi mu fetinan e mi toxan a Paamua saxa mon.

Luuk 13:2

E na Yesus a sui nari, “Mi lamon o a mu Galili aava ri maat malaan, a vilaana siri a pesasaat sena xasano Galili, bo?

A Lagasai Roxo Na Jon A Xaleie 4:31

La noyaan aave xo, a mu fefeng ri xuuse, “Mataa ina Fepitaa, no fangan saa xalak.”

A Lagasai Roxo Na Jon A Xaleie 9:1

Na Yesus e mu fefeng sina ri taxa sangaset e nane xalum a saxa mataa matana piif ti la yaan ina luluuxan.

A Lagasai Roxo Na Jon A Xaleie 9:34

E nari, ri suie, “Nano, no fo taagul lapaana vilaana saat ti la yaan ina luxaan nano, malaafaa no taxa lamon o no fexaxaas sena fapiti nemaam?” E ri ti votane i muta laak lana mu lifu ina faxuvulan.

Faisok 28:4

A mu rabuna ti la bina ri xalum a tiui la ma Pol e ri kuus la palou iri, “Naak a mataa aanabe' a mataa ina punuk mataa. Nane sinuf ti la laman taasaxa i taa pife sinuf sena fakasanam aanabe'.”